rKTs

e-texts navigator

Volume

Page

57b₁ par 'gyur ro/ /'od srung chen pos gsol pa/ bcom ldan 'das sangs rgyas kyi zhing yongs su gzung bar 'tshal bas rigs kyi bu 'di'i rnam pa thams cad mchog dang ldan pa ji 'dra ba de lta bur yongs su dag pa'i sangs rgyas kyi zhing yongs su gzung bar bgyi'o/ /bcom
57b₂ ldan 'das kyis bka' stsal pa/ 'od srung 'di ltar byang chub sems dpa' dra ba can gyi 'od kyis sangs rgyas bye ba khrag khrig phrag brgya stong mang po la smon lam yongs su sbyangs te/ de'i phyir 'dis sangs rgyas kyi zhing de lta bu'i yon tan phun sum tshogs pa yongs su bzung ba'o/ /
57b₃ 'od srung de bas na sangs rgyas kyi zhing de lta bu yongs su gzung bar 'dod pa'i rigs kyi bu 'am rigs kyi bu mos kyang byang chub sems dpa' dra ba can gyi 'od kyi rjes su bslab par bya'o/ /de nas tshangs pa khyad par sems kyis byang chub sems dpa' dra ba can gyi 'od la 'di
57b₄ skad ces smras so/ /rigs kyi bu khyod de bzhin gshegs pas lung bstan to/ /smras pa/ tshangs pa de bzhin gshegs pas sems can thams cad kyang lung bstan to/ /smras pa/ cir lung bstan/ smras pa/ las kyi rnam par smin pa ji lta ba bzhin du lung ston to/ /smras
57b₅ pa/ rigs kyi bu khyod kyis las ci lta ba zhig byas na khyod 'di ltar lung bstan/ smras pa/ tshangs pa las gang lus dang ngag dang / yid kyi ma byas pa de las de ni 'di'o zhes bstan du rung ngam/ smras pa/ ci'i phyir/ smras pa/ ci byang chub mngon par 'du byed pa'i mtshan
57b₆ nyid dam/ smras pa/ de ni ma yin no/ /smras pa/ byang chub mngon par 'du mi byed pa'i mtshan nyid de/ byang chub ni mngon par 'du byed pa'i mtshan nyid ma yin no/ /smras pa/ mngon par 'du byed pas byang chub 'dus ma byas pas/ thob par nus sam/ smras pa/ de ni ma
57b₇ yin no/ /smras pa/ tshangs pa de lta bas na 'di la rnam grangs 'dis gang la las kyang med/ las kyi 'bras bu yang med/ mngon par 'du byed pa'i 'jug pa yang med pa de ni byang chub bo/ /byang chub ji lta bar 'thob pa yang de bzhin/ lung bstan pa yang de bzhin te/

_{iiif viewer powered by OpenSeadragon}

57a - 58a

Texts on this page