| e-texts navigator |
| བོད་ཡིག |
56b1 rdzing dang / lteng ka'i yongs su longs spyod pa thams cad 'byung bar 'gyur ro/ /'od srung kun tu 'od rnam par 'phrul pa 'od zer gyi rgyal po de bzhin gshegs pa dgra bcom pa yang dag par rdzogs pa'i sangs rgyas de yi ge dang nges pa'i tshig gis chos mi ston te/
56b2 gzhan du na byang chub sems dpa' de dag de bzhin gshegs pa'i 'od des reg ma thag tu mi skye ba'i chos la bzod pa so sor thob par 'gyur ro/ /'od des sangs rgyas kyi zhing gzhan dag tu 'gro ba la thogs pa med par 'gyur ro/ /'od des sems can gyi nyon mongs pa
56b3 bsal ba la nyon mongs pa dang bral bar 'gyur ro/ /yang 'od srung de bzhin gshegs pa de'i 'od las chos kyi tshul rab tu dbye ba'i sgra sum cu rtsa gnyis 'byung bar gyur te/ sum cu rtsa gnyis gang zhe na/ lta bar gyur pa yongs su dag pas chos thams cad stong pa'o/ /rtog
56b4 pa dang rnam par rtog pa dang bral bas chos thams cad mtshan ma med pa'o/ /khams gsum las yang dag par 'das pas chos thams cad smon pa med pa'o/ /rang bzhin gyis nye bar zhi bas chos thams cad 'dod chags dang bral ba'o/ /smon pa med pa'i mtshan nyid
56b5 kyis chos thams cad zhe sdang dang bral ba'o/ /mun pa mun nag dang bral bas chos thams cad gti mug dang bral ba'o/ /thog ma nas ma skyes pas chos thams cad 'ong ba med pa'o/ /'pho ba med pa'i tshul gyis chos thams cad 'gro ba med pa'o/ /rab tu mi brtan
56b6 pa'i phyir chos thams cad mi gnas pa'o/ /'das pa dang / ma 'ongs pa dang / da ltar byung ba dang bral ba'i phyir chos thams cad dus gsum las 'das pa'o/ /rang bzhin gcig pa'i phyir chos thams cad bye brag med pa'o/ /las kyi rnam par smin pa dang bral ba'i phyir chos
56b7 thams cad ma skyes pa'o/ /byed pa po mi dmigs pa'i phyir chos thams cad las dang rnam par smin pa med pa'o/ /mngon par 'du mi byed pa'i tshul gyis chos thams cad ma byas pa'o/ /mngon par 'du ma byas pas rab tu phye ba'i phyir chos thams cad mngon par 'dus ma byas
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo