rKTs

e-texts navigator

Volume

Page

55b₁ pa'i sems can de dag la ngan song ngan 'gro log par ltung ba'i 'jig par 'tshal bar mi bgyi'o/ /su dag 'di chos bstan pa thos par gyur pa'i sems can de dag la yang bdud kyi las kyis bar du gcod par 'tshal bar mi bgyi'o/ /'dis su dag kyang byang chub
55b₂ la yongs su smin par bgyis pa'i sems can de dag kyang nyan thos dang rang sangs rgyas kyi sar 'tshal bar mi bgyi'o/ /bcom ldan 'das byang chub sems dpa' dra ba can gyi 'od kyis sangs rgyas kyi zhing gi yon tan bkod pa bshad du gsol/ bcom ldan 'das
55b₃ kyis bka' stsal pa/ 'od srung byang chub sems dpa' dra ba can gyi 'od sangs rgyas kyi zhing gang dang gang na gnas pa de dang der sems can tshad med pa rnams kyi don byed do/ /'od srung rigs kyi bu 'dis 'od phyung ba khyod kyis mthong ngam/ gsol pa/ bcom ldan 'das
55b₄ bdag gis mthong ngo / /bcom ldan 'das kyis bka' stsal pa/ 'od srung stong gsum gyi stong chen po'i 'jig rten gyi khams yungs kar gyis gang ba ni/ bgrang ba'i tshul gyis mthar phyin par nus kyi/ 'od srung byang chub sems dpa' dra ba can gyi 'od kyis 'od 'di bstan
55b₅ pa su dag bla na med pa yang dag par rdzogs pa'i byang chub tu nges par gyur pa'i sems can de dag gi mthar phyin par mi nus so/ /'od srung byang chub sems dpa' dra ba can gyi 'od kyis 'od bstan pas kyang sems can rnams kyi don byed na chos bstan pas lta ci smos/ 'od
55b₆ srung rigs kyi bu 'di'i sangs rgyas kyi zhing gi yon tan bkod pa'i bye brag gi phyogs tsam zhig brjod kyis nyon cig / 'od srung byang chub sems dpa' dra ba can gyi 'od bskal pa grangs med pa brgya stong phrag bdun cu rtsa drug na 'jig rten gyi khams khyad par gyi yon tan
55b₇ bsdus pa zhes bya bar kun tu 'od rnam par 'phrul pa'i 'od zer gyi rgyal po zhes bya ba/ de bzhin gshegs pa dgra bcom pa yang dag par rdzogs pa'i sangs rgyas 'jig rten du 'byung ste/ de byang chub kyi shing drung du nye bar song ba dang / 'jig rten gyi khams de'i bdud dam/

_{iiif viewer powered by OpenSeadragon}

55a - 56a

Texts on this page