rKTs

e-texts navigator

Volume

Page

54b₁ bu khyod sems can rnams mya ngan las 'das pa la mi 'dzud dam/ smras pa/ mya ngan las 'das pa nyid bdag gis ma mthong na sems can rnams ji ltar de la gzud par bya/ smras pa/ rigs kyi bu de ste 'di la 'khor ba yang med mya ngan las 'das pa yang med na/ 'o
54b₂ na ci'i phyir byang chub sems dpa' sems can yongs su mya ngan las 'da' ba'i phyir kun tu spyod/ smras pa/ btsun pa 'od srung chen po gang 'khor bar dmigs pa dang / mya ngan las 'das par yongs su rtogs pa dang / sems can du 'du shes pa la gnas pas
54b₃ byang chub tu spyod na de dag byang chub sems dpa' zhes mi bya'o/ /smras pa/ rigs kyi bu khyod ci la spyod smras pa/ btsun pa 'od srung chen po kho bo ni 'khor ba dang / mya ngan las 'das pa dang / sems can du 'du shes pa la mi spyod mod kyi btsun pa 'od srung chen po
54b₄ khyod ci la spyod ces de skad 'dri na btsun pa 'od srung chen po/ kho bo ni de bzhin gshegs pa'i sprul pa gang la spyod pa de nyid la spyod do/ /smras pa/ rigs kyi bu de bzhin gshegs pa'i sprul pa ni ci la yang mi spyod do/ /smras pa/ btsun pa 'od srung chen po sems can
54b₅ thams cad kyi spyod pa'i mtshan nyid kyang de lta bur blta'o/ /smras pa/ rigs kyi bu de ste sems can thams cad kyi spyod pa'i mtshan nyid de lta bu yin du zin na de bzhin gshegs pa'i sprul pa rnams ni chags par mi 'gyur/ zhe sdang bar mi 'gyur/ rmongs par mi 'gyur na
54b₆ ci'i phyir sems can rnams la 'dod chags dang / zhe sdang dang / gti mug 'byung / smras pa/ de bas na gnas brtan nyid la 'di dris shig /khyod kyi mos pa ji lta ba de bzhin du 'di lung ston cig /gnas brtan 'od srung chen po la da ltar 'dod chags dang / zhe sdang dang /
54b₇ gti mug rnams yod dam/ smras pa/ de ni ma yin no/ /smras pa/ 'o na khyed kyi 'dod chags dang / zhe sdang dang / gti mug zad dam/ med par gyur tam/ smras pa de ni ma yin no/ /smras pa/ gal te gnas brtan gyi 'dod chags dang / zhe sdang dang / gti mug kyang

_{iiif viewer powered by OpenSeadragon}

54a - 55a

Texts on this page