rKTs

e-texts navigator

Volume

Page

53b₁ gshegs pa nyid du rig par bya'o/ /de nas 'khor de'i nang nas srog chags stong phrag bzhi bcu rtsa bzhi bla na med pa yang dag par rdzogs pa'i byang chub tu sems bskyed nas sangs rgyas kyi zhing der smon lam 'debs shing 'di skad du/ bcom ldan 'das nam
53b₂ byang chub sems dpa' dra ba can gyi 'od kyis byang chub thob par 'gyur ba de'i tshe bdag cag rnams sangs rgyas kyi zhing der skye bar shog shig ces smras so/ /de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das byang chub
53b₃ sems dpa' dra ba can gyi 'od yun ji srid cig gis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ bcom ldan 'das kyis bka' stsal pa/ 'od srung khyod kyis de bzhin du byang chub sems dpa' dra ba can gyi 'od la rigs
53b₄ kyi bu khyod yun ji tsam gyis/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes dris shig /de nas gnas brtan 'od srung chen pos byang chub sems dpa' dra ba can gyi 'od la 'di skad ces smras so/ /rigs kyi bu khyod yun ji
53b₅ tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ dra ba can gyi 'od kyis smras pa/ btsun pa 'od srung chen po la la zhig gis sgyu ma sprul pa'i skyes bu la rigs kyi bu khyod yun ji tsam gyis bla na med pa yang dag par
53b₆ rdzogs pa'i byang chub tu mngon par rdzogs par 'tshang rgya bar 'gyur zhes dris na ji skad du lung ston/ smras pa rigs kyi bu sgyu mas sprul pa la yang dag par yongs su grub pa med na de ci zhig lung ston par 'gyur/ smras pa/ btsun pa 'od srung chen po de de
53b₇ bzhin te/ sgyu mas sprul pa bzhin du chos thams cad yongs su ma grub pa yin na/ su la khyod yun ji tsam gyis bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes 'dri/ smras pa/ rigs kyi bu ji ltar sgyu mas sprul pa dben

_{iiif viewer powered by OpenSeadragon}

53a - 54a

Texts on this page