| e-texts navigator |
| བོད་ཡིག |
53a1 de bzhin gshegs pa'i sangs rgyas kyi zhing yod do/ /gsol pa de dag de nas ji srid kyis 'dir mchis/ bka' stsal pa/ sems kyi skad cig pa gcig gis der mi snang bar gyur te 'dir phyin to/ /gsol pa/ bcom ldan 'das 'di ltar byang chub sems
53a2 dpa' dra ba can gyi 'od kyis 'od zer ji srid du mchis pa dang / rigs kyi bu 'di dag da ltar myur du phyin te/ byang chub sems dpa' rnams kyi 'od zer gtong ba dang / rdzu 'phrul gyi stobs ni ngo mtshar to/ /bcom ldan 'das kyis bka' stsal pa/ 'od srung de de bzhin
53a3 te/ ji skad zer ba de bzhin no/ /gang nyan thos dang / rang sangs rgyas thams cad kyis ma yin pa byang chub sems dpa' rnams kyi spyod pa ni bsam gyis mi khyab bo/ /de nas tshe dang ldan pa 'od srung chen pos gzhon nur gyur pa dra ba can gyi 'od la 'di skad ces smras so/ /rigs
53a4 kyi bu khyod kyi 'od kyis 'khor 'di dag la reg nas kha dog gcig tu 'di lta ste/ gser gyi kha dog tu gyur na 'di gang gi mthu/ smras pa/ bcom ldan 'das nyid la 'od srung chen po khyod kyis gsol cig dang de nyid khyod la ston to/ /de nas bcom ldan 'das la tshe dang
53a5 ldan pa 'od srung chen pos 'di skad ces gsol to/ /bcom ldan 'das ltas sngar byung ba 'di su'i lags/ bcom ldan 'das kyis bka' stsal pa/ 'od srung dra ba can gyi 'od byang chub thob pa'i 'khor kha dog gcig tu 'di lta ste/ gser gyi kha dog tu 'gyur
53a6 ro/ /'khor rnams cig la mos pa 'di lta ste/ thams cad mkhyen pa'i sems la mos par 'gyur ro/ /de na nyan thos dang / rang sangs rgyas rnams kyi ming yang med par 'gyur ro/ /byang chub sems dpa' sems dpa' chen po sha stag gi dge 'dun du 'gyur ro/ /'od
53a7 srung chen pos gsol pa/ bcom ldan 'das byang chub sems dpa' gang sangs rgyas kyi zhing der skye bar 'gyur ba de ni de bzhin gshegs pa nyid du gzung bar bgyi'o/ /bcom ldan 'das kyis bka' stsal pa/ 'od srung ji skad zer ba de bzhin te/ de ni de bzhin
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo