rKTs

e-texts navigator

Volume

Page

52b₁ de nas gzhon nur gyur pa dra ba can gyi 'od kyis 'od de dag phyir brtul to/ /'od de'i phyir brtul ma thag tu 'khor de thams cad spyod lam snga ma ji lta ba bzhin du snang ngo / /bcom ldan 'das kyang snga ma kho na bzhin du seng ge'i khri pad mo can la bzhugs par snang ngo / /
52b₂ de nas bcom ldan 'das la gnas brtan 'od srung chen pos 'di skad ces gsol to/ /bcom ldan 'das byang chub sems dpa' 'di bzhi gang nas mchis/ byang chub sems dpa' de bzhis smras pa/ kho bo cag 'og gi 'jig rten gyi khams nas 'ongs so/ /smras
52b₃ pa 'jig rten gyi khams de ni rin po che thams cad ston pa zhes bya'o/ /smras pa de na de bzhin gshegs pa'i mtshan ci zhes bya ba zhig chos 'chad/ smras pa/ de bzhin gshegs pa de'i mtshan rin po che gdugs gcig pa zhes bya'o/ /smras pa/ 'jig rten gyi khams de 'di
52b₄ nas ji srid cig yod/ smras pa/ bcom ldan 'das mkhyen pas mkhyen to/ /smras pa/ khyed rnams 'dir ci la 'ongs/ smras pa/ byang chub sems dpa' dra ba can gyi 'od kyis 'od btang nas 'od des kho bo cag la reg ste/ reg ma thag tu bcom ldan 'das shAkya thub pa'i
52b₅ mtshan dang / byang chub sems dpa' dra ba can gyi 'od kyi ming thos nas/ bcom ldan 'das dang skyes bu dam pa 'di la blta ba dang / phyag bya ba dang / bsnyen bkur bya ba'i phyir bdag cag 'dir 'ongs so/ /de nas bcom ldan 'das la gnas brtan 'od srung chen pos
52b₆ 'di skad ces gsol to/ /bcom ldan 'das 'jig rten gyi khams rin po che thams cad ston pa zhes bgyi ba bcom ldan 'das rin po che gdugs gcig pa de bzhin gshegs pa'i sangs rgyas kyi zhing de ji srid cig na mchis/ bcom ldan 'das kyis bka' stsal pa/
52b₇ 'jig rten gyi khams 'di nas 'og tu sangs rgyas kyi zhing gang gA'i klung bdun cu rtsa gnyis kyi bye ma snyed 'das pa na byang chub sems dpa' 'di bzhi gang nas 'dir 'ongs pa'i 'jig rten gyi khams rin po che thams cad ston pa bcom ldan 'das rin po che gdugs gcig pa

_{iiif viewer powered by OpenSeadragon}

52a - 53a

Texts on this page