| e-texts navigator |
| བོད་ཡིག |
51b1 rid pa'am/ rgas pa'am/ 'chi ba'i chos can nam/ ser sna can nam/ gnod par sems pa'am/ ngang tshul ngan pa can nam/ 'dzud pa'am/ dran pa nyams pa'am/ 'chal pa'i shes rab can nam/ ma dad pa'am/ thos pa nyung ba'am/ bsod nams chung ba'am/
51b2 ngo tsha mi shes pa'am/ khrel med pa'am/ lta ba thibs por gyur pa ji snyed yod pa de dag thams cad 'od des reg ma thag tu bde ba thams cad dang ldan par gyur to/ /sems can gang yang 'dod chags dang / zhe sdang dang / gti mug dang / nga rgyal dang / 'chab pa dang /
51b3 phrag dog dang / khro ba'i yongs su gdung bas nyam nga bar gyur pa med do/ /sems can thams cad kyang dga' ba dang bde ba dang ldan par gyur to/ /gang sangs rgyas kyi spyan sngar byang chub sems dpa'i 'khor tam/ nyan thos kyi 'khor tam/ lha dang / klu dang / gnod
51b4 sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin pa dang / dge slong dang / dge slong ma dang / dge bsnyen dang / dge bsnyen ma'i 'khor de dag thams cad 'di lta ste/ kha dog gcig tu gser gyi kha
51b5 dog lta bur snang ngo / /thams cad kha dog gcig tu 'di lta ste/ de bzhin gshegs pa'i kha dog dang / mtshan dang / gzugs 'chang bar snang ngo / /thams cad kyang spyi gtsug bltar mi snang zhing lus mchog gi gzugs su snang ngo / /thams cad kyang pad mo'i
51b6 stan la 'khod cing rin po che'i dra bas khebs par snang ngo / /de dag thams cad kyang 'di lta ste/ sangs rgyas mthong ba'i rang bzhin du rang bzhin gcig tu snang ngo / /de dag thams cad kyang 'di lta ste/ dper na dga' ba'i rnam par bkod pa'i ting nge 'dzin thob pa'i byang chub
51b7 sems dpa' bzhin du 'di lta bu'i bde ba skyes par gyur to/ /de nas 'khor de thams cad ngo mtshar du gyur cing phan tshun dbyer med de/ ston par yang lhag par mi sems/ bdag nyid kyang dman par mi sems so/ /'od de dag gtang ma thag tu 'og gi phyogs nas byang chub
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo