rKTs

e-texts navigator

Volume

Page

50b₁ las 'das pa'i de bzhin nyid kyang de yin no/ /smras pa/ btsun pa shA ri'i bu de bzhin nyid de ni ma log pa de bzhin nyid dang / gzhan ma yin pa de bzhin nyid dang / mi 'gyur ba de bzhin nyid dang / mi 'khrug pa de bzhin nyid de/ btsun pa shA ri'i bu de bzhin nyid 'dis
50b₂ chos thams cad kyi de bzhin nyid rjes su rig par bya'o/ /de nas bcom ldan 'das la tshe dang ldan pa shA ri'i bus 'di skad ces gsol to/ /bcom ldan 'das 'di lta ste/ dper na me'i phung po rab tu 'bar ba'i me lce thams cad ni sreg par nye bar gnas pa lags
50b₃ so/ /bcom ldan 'das de bzhin du rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sreg par nye bar gnas pa lags so/ /bcom ldan 'das kyis bka' stsal pa/ shA ri'i bu de
50b₄ de bzhin no/ /de ni ji skad ston pa de bzhin te/ rigs kyi bu 'di dag gis bstan pa thams cad chos kyi dbyings bstan pa ste/ chos bstan pa thams cad kyang nyon mongs pa thams cad sreg par nye bar gnas pa yin no/ /de nas gzhon nur gyur pa dra ba can gyi 'od kyis gnas
50b₅ brtan shA ri'i bu la 'di skad ces smras so/ /gnas brtan shA ri'i bu bcom ldan 'das kyis shes rab dang ldan pa rnams kyi nang na mchog tu gsungs na/ gnas brtan shA ri'i bu shes rab gang gis shes rab dang ldan pa'i mchog tu gsungs pa'i shes rab de gang yin/ smras
50b₆ pa/ dra ba can gyi 'od gang nyan thos sgra'i rjes su 'brang ba/ rang gi rgyud snang ba'i mtshan nyid/ nye tshe ba'i ye shes kyis rnam par grol ba rnams kyi shes rab ste/ shes rab des bdag shes rab dang ldan pa rnams kyi mchog tu gsungs kyi byang chub sems dpa'i shes rab
50b₇ kyis ni ma yin no/ /smras pa/ ci shes rab spros pa'i mtshan nyid dam/ smras pa de ma yin no/ /smras pa 'o na shes rab mnyam pa nyid rjes su spyod pa'am/ smras pa/ rigs kyi bu de de bzhin no/ /smras pa/ gnas brtan shA ri'i bu mnyam pa nyid kyi rjes su spyod pa'i shes

_{iiif viewer powered by OpenSeadragon}

50a - 51a

Texts on this page