rKTs

e-texts navigator

Volume

Page

50a₁ 'gag pa'o/ /smras pa/ de'i phyir gnas brtan shA ri'i bu rtag tu mi chad par chos mnyan pa'i skal ba med do/ /de ci'i phyir zhe na/ chos thams cad rang bzhin gyis 'gag pa'i phyir ro/ /smras pa/ rigs kyi bu khyod ting nge 'dzin las ma langs par
50a₂ chos ston nus sam/ smras pa/ gnas brtan shA ri'i bu gang rtag tu mnyam par ma bzhag pa'i chos gang yang dmigs sam/ smras pa/ de ni ma yin no/ /smras pa/ 'o na byis pa so so'i skye bo thams cad kyang mnyam par bzhag par 'gyur ro/ /smras pa/ rigs kyi bu ting nge
50a₃ 'dzin gang la byis pa so so'i skye bo rnams mnyam par bzhag pa yin/ smras pa/ chos kyi dbyings mi 'khrugs pa'i ting nge 'dzin la'o/ /smras pa/ kun tu me tog de lta yin du zin na so so'i skye bo rnams dang / 'phags pa rnams su bye brag med par 'gyur ro/ /smras pa/
50a₄ btsun pa shA ri'i bu de de bzhin te/ nga ni 'phags pa dang / so so'i skye bo rnams tha dad du dbye bar mi 'dod do/ /de ci'i phyir zhe na/ 'phags pa rnams kyis kyang chos gang yang ma 'gags/ byis pa so so'i skye bo rnams kyis kyang chos gang yang ma bskyed de chos kyi
50a₅ dbyings mnyam pa nyid de gang yin pa de nyid las kyang mi 'da'o/ /smras pa/ rigs kyi bu chos rnams kyi mnyam pa nyid gang yin/ smras pa/ gang gnas brtan gyis yongs su shes pa de ston te/ gnas brtan gyis kyang 'phags pa'i chos rnams bskyed dam/ smras
50a₆ pa de ma yin no/ /smras pa/ ji khyod kyis so so'i skye bo rnams 'gag par byas sam/ smras pa de ma yin no/ /smras pa 'o na khyod kyis 'phags pa'i chos rnams thob bam/ smras pa/ de ma yin no/ /smras pa/ 'o na ci khyod kyis so so'i skye bo'i chos rnams yongs su shes
50a₇ sam/ smras pa de ma yin no/ /smras pa 'o na gnas brtan gyis yongs su shes pas ci mngon par rtogs/ smras pa/ byis pa so so'i skye bo thos pa dang mi ldan pa rnams kyi de bzhin nyid gang yin pa rnam par grol ma thag pa'i de bzhin nyid kyang de yin/ yongs su mya ngan

_{iiif viewer powered by OpenSeadragon}

49b - 50b

Texts on this page