rKTs

e-texts navigator

Volume

Page

49a₁ de'i khyu mchog kyang de bzhin nyid las mi 'da'o/ /de nas bcom ldan 'das la gnas brtan shA ri'i bus 'di skad ces gsol to/ /bcom ldan 'das glang po che 'di dag gi ldem po dag la gang 'jug par 'gyur ba de dag ni bsod nams mang du skyed par
49a₂ 'gyur ro/ /de ci'i phyir zhe na/ bcom ldan 'das skyes bu dam pa de dag gi ming tsam thos pa yang legs par thos pa lags na/ chos bstan pa lta smos kyang ci 'tshal/ bcom ldan 'das 'di lta ste dper na/ shing ljon pa sa chen po la ma brten par rtsa ba dang / sdong
49a₃ po dang / yal ga dang / lo ma dang / me tog dang / 'bras bu ston pa ltar bcom ldan 'das skyes bu dam pa 'di dag gi spyod pa'i mtshan nyid kyang de bzhin du blta'o/ /'di ltar chos thams cad la mi gnas shing / spyod pa dang / skye ba dang / 'byung ba dang / 'pho ba
49a₄ dang / 'chi ba yang ston la sangs rgyas kyi zhing dag na yang gda' ba de dag la lhag par shes rab kyi spobs pa 'di lta bu yang spobs par 'gyur ro/ /bcom ldan 'das shes rab kyi spobs pas rnam par 'phrul pa 'di lta bu mthong na rigs kyi bu'am rigs kyi bu mo su
49a₅ zhig bla na med pa yang dag par rdzogs pa'i byang chub tu sems mi skyed/ / //bam po gsum pa/ yang de'i tshe byang chub sems dpa' kun tu me tog ces bya ba 'khor der 'dus shing 'dug par gyur te/ des gnas brtan shA ri'i bu la 'di skad ces smras so/ /gnas
49a₆ brtan ni de bzhin gshegs pas shes rab can gyi mchog tu gsungs na/ 'di ltar shes rab kyi spobs pas rnam par 'phrul pa 'di lta bus rnam par 'phrul mi nus pa ci gnas brtan gyis chos kyi dbyings khong du ma chud dam/ gnas brtan gyis smras pa/ kun tu me tog
49a₇ bcom ldan 'das kyi nyan thos rnams ni yul ji lta ba bzhin du ston to/ /smras pa/ btsun pa shA ri'i bu chos kyi dbyings yul du bgrang ngam/ smras pa de ni ma yin no/ /smras pa/ 'o na ji ltar gnas brtan shA ri'i bu yul ji lta ba bzhin du ston/ smras pa/ nyan thos kyi

_{iiif viewer powered by OpenSeadragon}

48b - 49b

Texts on this page