rKTs

e-texts navigator

Volume

Page

47b₁ thos dang rang sangs rgyas kyi theg pa tshol te/ de dag gang 'di sangs rgyas kyi ye shes la dmigs par bya ba'i phyir rgya chen po la sems mos par bya'o/ /zhes sems can rnams la de bzhin gshegs pa'i snying rje chen po skye'o/ /tshangs pa sems can rnams la de bzhin
47b₂ gshegs pa'i snying rje rnam pa sum cu rtsa gnyis po de dag dang ldan par skye ste/ de'i phyir de bzhin gshegs pa snying rje chen po la gnas pa zhes bya'o/ /tshangs pa byang chub sems dpa' gang la la snying rje chen po rnam pa sum cu rtsa gnyis po 'di dag dang ldan par sems can
47b₃ rnams la 'jug na/ tshangs pa byang chub sems dpa' sems dpa' chen po 'di ni bsod nams kyi zhing gzi brjid chen po yongs su rgyas pa/ phyir mi ldog pa/ sems can gyi don la brtson par shes par bya'o/ /yang snying rje chen po'i chos kyi sgo'i le'u 'di bshad pa na
47b₄ srog chags stong phrag sum cu rtsa gnyis bla na med pa yang dag par rdzogs pa'i byang chub tu sems skyes so/ /srog chags brgya stong gis ni bzod pa rab tu thob par gyur to/ /lha'i bu stong phrag bdun cu rtsa gnyis ni chos rnams la rdul med cing dri ma dang bral ba'i chos kyi mig
47b₅ rnam par dag go/ /de nas bcom ldan 'das la byang chub sems dpa' dra ba can gyi 'od kyis 'di skad ces gsol to/ /bcom ldan 'das tshangs pa khyad par sems 'di de bzhin gshegs pa'i thugs rje chen po dang ldan pa'i chos bstan pa 'di thos na dga' bar mi bgyid
47b₆ rangs par mi 'gyur ro/ /khyad par sems kyis smras pa/ rigs kyi bu gang gi rnam par shes pa gnyis dang ldan pa de dag la ni dga' ba'am rangs pa yang 'gyur gyi gnyis su med pa yang dag pa'i mtha' la gnas pa la dga' ba yang med/ rangs pa yang med do/ /rigs
47b₇ kyi bu 'di lta ste dper na sgyu mas sprul pa'i skyes bu ni sgyu ma gar byed par zhugs pa la dga' ba yang med/ rangs pa yang med do/ /rigs kyi bu de bzhin du chos thams cad sgyu ma'i mtshan nyid kyi rang bzhin dang ldan pa'i phyir de bzhin gshegs pa'i cho 'phrul la dga' ba yang mi skye/

_{iiif viewer powered by OpenSeadragon}

47a - 48a

Texts on this page