| e-texts navigator |
| བོད་ཡིག |
47a1 pa'i snying rje chen po skye'o/ /kye ma 'jig rten gnas pa 'di ni brkam zhing chags pa'i zil gyis gnon pa chog mi shes shing gzhan gyi nor 'phrog pa yin te/ de dag 'phags pa'i nor dad pa dang / tshul khrims dang / thos pa dang / gtong ba dang / shes
47a2 rab dang / ngo tsha shes pa dang / khrel yod pa'i nor la dgod do zhes sems can rnams la de bzhin gshegs pa'i snying rje chen po skye'o/ /kye ma sems can 'di dag nor dang / 'bru dang / khyim dang / bu dang / chung ma la sred pas 'khol cing snying po med pa la snying por 'dzin
47a3 te/ de dag la shin tu mi rtag pa nyid bstan to zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ma rig pas 'tsho zhing gcig la gcig 'drid pa la gnas te/ de dag 'tsho ba yongs su dag par bya ba'i phyir chos bstan to/ /
47a4 zhes sems can rnams la de bzhin gshegs pa'i snying rje chen po skye'o/ /kye ma sems can 'di dag mi mdza' ba yin na khe dang / bkur stis rgyas nas bdag cag mdza'o snyam du sems te/ de dag gi gang 'di sdug bsngal rnam par zhi ba'i bde ba mya ngan las 'das pa la
47a5 shin tu yang dag pa'i dge ba'i bshes gnyen bya'o/ /zhes sems can rnams la de bzhin gshegs pa'i snying rje chen po skye'o/ /kye ma sems can 'di dag ni shin tu nyon mongs par gyur cing sdug bsngal gyi chos mang ba khyim gyi gnas la mngon par dga' ba de dag khams
47a6 gsum las bzla ba'i phyir 'byung ba'i chos bstan to/ /zhes sems can rnams la de bzhin gshegs pa'i snying rje chen po skye'o/ /chos thams cad ni rgyus nye bar 'gro ba rnam par bsgrubs pas nye bar gnas pa'i mtshan nyid de/ 'phags pa'i rnam par grol ba de la le lo
47a7 byed do zhes sems can rnams la de bzhin gshegs pa'i snying rje chen po skye'o/ /sems can rnams ni chags pa med pa'i sangs rgyas kyi ye shes mchog khyad par du 'phags pa'i yongs su mya ngan las 'das pa 'di btang zhing / gang 'di theg pa dman pa nyan
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo