rKTs

e-texts navigator

Volume

Page

45a₁ ngang tshul ngan pa'i 'bras bu yang mi dmigs/ bzod pa yang mi dmigs/ bzod pa'i 'bras bu yang mi dmigs/ gnod sems kyang mi dmigs/ gnod sems kyi 'bras bu yang mi dmigs/ brtson 'grus kyang mi dmigs/ brtson 'grus kyi 'bras
45a₂ bu yang mi dmigs/ le lo yang mi dmigs/ le lo'i 'bras bu yang mi dmigs/ bsam gtan yang mi dmigs/ bsam gtan gyi 'bras bu yang mi dmigs/ g.yeng ba yang mi dmigs/ g.yeng ba'i 'bras bu yang mi dmigs/ shes rab kyang mi dmigs/ shes
45a₃ rab kyi 'bras bu yang mi dmigs/ 'chal pa'i shes rab kyang mi dmigs/ 'chal pa'i shes rab kyi 'bras bu yang mi dmigs/ bde ba yang mi dmigs/ sdug bsngal yang mi dmigs/ rgyun du zhugs pa'i 'bras bu yang mi dmigs pa nas byang chub kyi bar du yang mi
45a₄ dmigs/ yongs su mya ngan las 'das pa yang mi dmigs te/ tshangs pa sems can de dag de ltar bstan pas sbyor zhing rtsol te 'bad kyang gang gi phyir sbyor ba dang / rtsol ba dang / 'bad pa'i chos de dag khong du mi chud cing mi 'thob ste/ gang 'di rgyun du zhugs pa'i 'bras
45a₅ bu nas dgra bcom pa nyid kyi bar dang / rang byang chub dang / bla na med pa yang dag par rdzogs pa'i byang chub nas mya ngan las 'das pa'i bar du khong du mi chud mi 'thob bo/ /tshangs pa 'di ni de bzhin gshegs pa'i thabs kyis chos bstan pa yin te/ sems can rnams dam
45a₆ pa'i chos yongs su 'dzin du gzhug pa'i phyir/ byang chub sems dpas thabs mkhas pa la sbyor bar bya'o/ /tshangs pa de la de bzhin gshegs pa'i tshul bstan pa gang zhe na/ mig ni thar pa'i tshul lo/ /de bzhin du rna ba dang / sna dang / lce dang / lus dang / yid
45a₇ rnams ni thar pa'i tshul lo/ /de ci'i phyir zhe na/ mig ni bdag dang bdag gis stong ste/ de'i rang bzhin 'di yin no/ /de bzhin du yid kyi bar du bdag dang bdag gis stong ste/ de'i rang bzhin 'di yin no/ /tshangs pa mi slu ba'i phyir/ skye mched thams cad ni sems can

_{iiif viewer powered by OpenSeadragon}

44b - 45b

Texts on this page