| e-texts navigator |
| བོད་ཡིག |
44a1 pa med pa'i tshul gyis shes rab kyis mya ngan las 'das pa'o/ /chos kyi dbyings 'dod chags dang bral bas na 'dod chags ni 'dod chags dang bral ba'i mtha'o/ /chos kyi dbyings la gtum pa med pas zhe sdang ni yang dag pa'i mtha'o/ /chos rnams la
44a2 rmongs pa med pa'i phyir gti mug ni gti mug med pa'i mtha'o/ /shi 'pho med pa dang skye ba med pa'i tshul gyis 'khor ba yang mya ngan las 'das pa'o/ /mngon par chags pa med pa'i tshul gyis mya ngan las 'das pa yang 'khor ba'o/ /tha snyad du 'dogs pa'i lta bas
44a3 bden pa yang pa'o/ /mngon pa'i nga rgyal can rnams la ni pa yang bden pa'o zhes de ltar shes so/ /gzhan yang tshangs pa de bzhin gshegs pa ni ldem po ngag gi rnam grangs kyis bdag nyid rtag par smra bar zhal gyis bzhes so/ /bdag nyid kun nas nyon
44a4 mongs par smra ba dang / chad par smra ba dang / bya ba med par smra ba dang / log par smra ba dang / ma dad pa dang / byas pa mi gzo ba dang / mtshams gcod pa dang / skyug pa za ba dang / go skabs mi phyed par zhal gyis bzhes kyang de bzhin gshegs pa ni bshad pa 'di
44a5 dag la mi 'byung mi snang ngo / /ldem po ngag gang gis sems can rnams lhag pa'i nga rgyal 'dzin pa 'dod par 'gyur ba'i ldem po ngag de de bzhin gshegs pa ston te/ de ni de bzhin gshegs pa'i ldem po ngag go/ /tshangs pa de ltar na de bzhin gshegs pa ldem po ngag tu chos
44a6 ston te/ de la byang chub sems dpas spyod pa la mkhas par blo dpyad par bya'o/ /de de ltar mthar phyin pas bstan pa thams cad la mkhas par 'gyur ro/ /de sems can rnams la gzugs kyi sku bstan pas sangs rgyas byung ngo snyam du mos par 'gyur ro/ /chos kyi skus rab tu
44a7 phye ba'i phyir de bzhin gshegs pa ma byung ba'o zhes mos par 'gyur ro/ /yi ge rnam par rig pa lhur byed pa'i sems can rnams la de bzhin gshegs pas chos bstan to zhes mos par 'gyur ro/ /chos nyid brjod du med par nges par byas nas chos bstan du med do/ /zhes
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo