rKTs

e-texts navigator

Volume

Page

43b₁ ba smrar med par blta'o/ /tshangs pa byang chub sems dpa' gang chos smra ba 'di shes na byang chub sems dpa' de dag ni smra ba thams cad smra yang chos gang la yang mngon par mi chags so/ /de mngon par ma chags pas ye shes thogs pa med pa'i spobs pa gang gis bskal
43b₂ pa gang gA'i klung gi bye ma snyed du chos bshad kyang rgyun mi chad pa dang / smra ba thams cad kyang chos kyi dbyings dang tha mi dad par smra ba dang / chos rnams kyi tha mi dad pa la yang mngon par chags par mi 'gyur ba'i ye shes thogs pa med pa'i spobs pa thob po/ /tshangs pa de bzhin
43b₃ gshegs pas de ltar gsungs pas chos rnams brjod do/ /tshangs pa de la ji ltar na byang chub sems dpa' de bzhin gshegs pa'i ldem po ngag la mkhas pa khong du chud ce na/ tshangs pa 'di la de bzhin gshegs pa kun nas nyon mongs pa yang rnam par byang bar ston/
43b₄ rnam par byang ba yang kun nas nyon mongs par ston te/ de las byang chub sems dpa' ldem po ngag tu shes par bya'o/ /tshangs pa de bzhin gshegs pa kun nas nyon mongs pa la rnam par byang bar ji ltar ston ce na/ kun nas nyon mongs pa'i ngo bo nyid rlom sems med pa'i
43b₅ phyir kun nas nyon mongs pa rnam par byang bar ston to/ /rnam par byang ba kun nas nyon mongs par ji ltar ston ce na/ rnam par byang ba'i ngo bo nyid rlom sems med pa'i phyir te/ de ltar rnam par byang ba kun nas nyon mongs par ston to/ /tshangs pa nga sbyin pas mya ngan las 'das par ston
43b₆ te/ de ni byis pa dag gis mi shes kyi de la byang chub sems dpa' ldem po ngag la mkhas pa ni sbyin pa yang phyi ma'i tshe/ skyid pa chen por 'gyur yang 'di la chos gang yang 'pho ba med do/ /mi 'pho bas na mya ngan las 'das pa'o/ /mngon par 'du mi byed pa'i tshul gyis tshul
43b₇ khrims kyis mya ngan las 'das pa'o/ /skad cig pa'i tshul gyis bzod pas mya ngan las 'das pa'o/ /blang ba dang dor ba med pa'i tshul gyis brtson 'grus kyis mya ngan las 'das pa'o/ /rnam par mi rtog pa'i tshul gyis bsam gtan gyis mya ngan las 'das pa'o/ /thogs

_{iiif viewer powered by OpenSeadragon}

43a - 44a

Texts on this page