rKTs

e-texts navigator

Volume

Page

42b₁ de dag gi bzod pa gsum yongs su rdzogs par bgyis so/ /de dag byang chub kyi snying po yongs su rdzogs pa la gnas so/ /de dag gis bdud kyi sde rab tu bcom mo/ /de dag thams cad mkhyen pa nyid thob bo/ /de dag chos kyi 'khor lo rab tu skor bar 'gyur ro/ /de dag
42b₂ bcom ldan 'das sangs rgyas kyis mdzad pa bgyid par 'gyur te/ bcom ldan 'das gang chos kyi tshul zab mo 'di thos nas mi skrag mi dngang shin tu dngang bar mi 'gyur ba dang / gang de bzhin gshegs pa rnams kyis byang chub 'di ltar zab pa/ 'di ltar shes dka' ba/
42b₃ 'di ltar blta dka' ba/ 'di ltar khong du chud par dka' ba 'di thos nas mos par 'gyur ba dang / 'dzin par 'gyur ba dang / 'chang bar 'gyur ba dang / gzhan la yang rgyas par bgyid par 'gyur ba dang / chos 'di la rab tu zhugs shing gzhan yang nan tan la 'god par
42b₄ bgyid pa'i skyes bu dam pa de dag gi bsngags pa bskal pa'am/ bskal pa las lhag par brjod cing yon tan yongs su bsgrags kyang bcom ldan 'das bdag gis skyes bu dam pa de dag gi yon tan mthar mi phyin to/ /bcom ldan 'das kyis bka' stsal pa/ tshangs pa
42b₅ khyod kyis skyes bu dam pa de dag gi bsngags pa'am yon tan ji tsam du shes/ tshangs pas gsol pa/ de bzhin gshegs pas zag pa ma mchis pa'i sangs rgyas kyi ye shes ji snyed pa mkhyen pa dang / de dag gi yon tan de dag dang de las lhag par yang 'tshal bar bgyi ste/
42b₆ gang de bzhin gshegs pas bshad pa'i don dang / tshig dang / yi ge zab mo rnams rtogs par rig pa dang / ldem po ngag 'tshal ba dang / 'thun par bgyid cing 'gal bar mi bgyid pa dang / yang dag par sbyor zhing sun 'byin par mi bgyid pa dang / don rtogs par rig cing yi
42b₇ ge'i phyir mi snyegs pa de dag ni brjod pa gang gis de bzhin gshegs pa rnams chos gsung ba dang / ldem po ngag gang gis de bzhin gshegs pa chos gsung ba dang / thabs gang dang / tshul gang dang / snying rje chen po gang gis de bzhin gshegs pa chos ston par nges pa'i tshig brjod pa

_{iiif viewer powered by OpenSeadragon}

42a - 43a

Texts on this page