rKTs

e-texts navigator

Volume

Page

42a₁ de dag blos mnyam pa ma mchis par 'gyur ro/ /de dag thos pas mi mnyam pa dang mnyam par 'gyur ro/ /de dag gzhal ba las 'das pa'i slad du mtshungs pa ma mchis par 'gyur ro/ /de dag spobs pas thogs pa ma mchis par 'gyur ro/ /de dag gzungs
42a₂ rab tu thob pa'i slad du dran pa dang ldan par 'gyur ro/ /de dag don rtogs pa'i slad du 'brang bas rtogs pa dang ldan par 'gyur ro/ /de dag chos la tshul bzhin du so sor rtog pa'i slad du blo gros dang ldan par 'gyur ro/ /de dag sems can gyi bsam pa rnams la mkhas par
42a₃ 'gyur ro/ /de dag 'jig rten la phan par bgyi ba'i slad du brtson par 'gyur ro/ /de dag 'jig rten las 'phags par 'gyur ro/ /de dag pad mo lta bur mi chags par 'gyur ro/ /de dag 'jig rten gyi chos rnams kyis yongs su ma zin par 'gyur ro/ /de dag mkhas pa rnams
42a₄ dga' bar 'gyur ro/ /de dag mang du thos pa rnams kyis cher bkur bar 'gyur ro/ /de dag rig pa rnams kyis ri mo bgyi bar 'gyur ro/ /de dag lha dang mi rnams kyis mchod par 'gyur ro/ /de dag 'jig rten rnams kyis phyag bgyi bar 'gyur ro/ /de dag 'phags pa rnams
42a₅ kyis bkur sti bgyi bar 'gyur ro/ /de dag nyan thos dang / rang sangs rgyas rnams kyis smon par bgyid par 'gyur ro/ /de dag nyi tsher spyod pa la re ba ma mchis par 'gyur ro/ /de dag chags pa ma mchis pa'i slad du tshul mi 'chos par 'gyur ro/ /de dag spyod lam mdzes par 'gyur
42a₆ ro/ /de dag gzugs blta na sdug par 'gyur ro/ /de dag gzi brjid kyis yid chags par 'gyur ro/ /de dag mtshan rnams kyis brgyan par 'gyur ro/ /de dag dpe byad bzang po rnams kyis rnam par spras par 'gyur ro/ /de dag sangs rgyas kyi rigs yang dag par 'dzin par
42a₇ 'gyur ro/ /de dag chos kyi rigs yongs su srung bar 'gyur ro/ /de dag dge 'dun gyi rigs kun tu srung bar 'gyur ro/ /de dag ni sangs rgyas thams cad kyis gzigs so/ /de dag gis chos kyi spyan rab tu thob bo/ /de dag sangs rgyas kyi ye shes su lung bstan par 'gyur ro/ /

_{iiif viewer powered by OpenSeadragon}

41b - 42b

Texts on this page