rKTs

e-texts navigator

Volume

Page

41a₁ kyi stobs can du 'gyur ro/ /de dag bdud rnams kyis rab tu thub par dka' bar 'gyur ro/ /de dag phyir rgol ba rnams kyis mi rdzi bar 'gyur ro/ /de dag de bzhin gshegs pa rnams la mi slu bar 'gyur ro/ /de dag chos kyi rang bzhin ston pa la mkhas pa'i slad du
41a₂ yang dag par smra bar 'gyur ro/ /de dag don dam pa'i chos ston pa'i slad du bden par smra bar 'gyur ro/ /de dag de bzhin gshegs pa rnams kyis yongs su bzung bar 'gyur ro/ /de dag 'grogs na bde ba'i slad du des par 'gyur ro/ /de dag 'phags pa'i nor rnams kyi nor dang ldan
41a₃ par 'gyur ro/ /de dag 'phags pa'i rigs rnams kyis mchog 'tshal bar 'gyur ro/ /gso sla zhing dgang sla bar 'gyur ro/ /de dag pha rol tu mchi ba'i slad du dbugs 'byin pa thob par 'gyur ro/ /de dag ma rgal ba rnams sgrol bar 'gyur ro/ /de dag ma grol ba rnams grol
41a₄ bar bgyid par 'gyur ro/ /de dag dbugs 'byin pa ma mchis pa rnams kyi dbugs 'byin par 'gyur ro/ /yongs su mya ngan las ma 'das pa rnams yongs su mya ngan las zlo bar 'gyur ro/ /de dag lam ston par 'gyur ro/ /de dag mya ngan las 'das pa ston par 'gyur ro/ /de
41a₅ dag sman thams cad yongs su 'tshal ba'i slad du sman pa rnams kyi rgyal por 'gyur ro/ /de dag nad thams cad rab tu zhi bar bgyid pa'i slad du sman lta bur 'gyur ro/ /de dag ye shes kyi stobs dang ldan par 'gyur ro/ /de dag mthus spro ba dang ldan par 'gyur ro/ /de dag gzhan
41a₆ gyi dring la mi 'jog pa'i slad du rtsal dang ldan par 'gyur ro/ /de dag 'jigs pas spu ldang ba ma mchis pa'i slad du seng ge lta bur 'gyur ro/ /de dag cang shes pa'i slad du ba lang lta bur 'gyur ro/ /de dag sems rab tu dul ba'i slad du glang po cher 'gyur ro/ /de dag 'khor mang
41a₇ po yongs su sdud pa'i slad du khyu mchog tu 'gyur ro/ /de dag bdud dang phyir rgol ba rnams rab tu bcom pa'i slad du dpa' bor 'gyur ro/ /de dag 'khor gyis 'jigs pa ma mchis pa'i slad du brtan par 'gyur ro/ /de dag mi 'jigs pa thob pa'i slad du mi thub par 'gyur ro/ /de

_{iiif viewer powered by OpenSeadragon}

40b - 41b

Texts on this page