rKTs

e-texts navigator

Volume

Page

40a₁ shin tu rnam par mi dmigs pa de ltar mkhyen to/ /de ci'i phyir zhe na/ tshangs pa ngas 'di ltar chos gang yang mngon par sangs rgyas pa de ni ma mthong / ma thos/ mi dran/ ma rtogs/ rnam par mi rig cing / gzung ba yang med/ sbyar ba yang med/ brjod du yang
40a₂ med/ rjes su sbyor ba yang med/ yul thams cad las 'das pa/ smrar med pa/ rab tu smrar med pa/ dpyod pa med pa/ rtogs par mi rung ba/ yi ge med pa/ tshig gi lam med pa/ rnam par rig pa med pa yin te/ tshangs pa de ltar chos gang nam mkha' dang 'dra ba'i
40a₃ chos de mngon par rtogs par 'dod dam/ gsol pa/ bcom ldan 'das de ma lags so/ /bcom ldan 'das sangs rgyas bcom ldan 'das rnams kyis thugs rje chen po bsam gyis mi khyab pa'i chos dang ldan te/ de ltar rab tu zhi ba'i chos mngon par sangs rgyas nas yi ge dang
40a₄ nges pa'i tshig gis gzhan dag la go bar mdzad pa ngo mtshar to/ /bcom ldan 'das gang de bzhin gshegs pas bstan pa'i chos la mngon par dad pa'i sems can de dag ni dge ba'i rtsa ba ngan ngon dang ldan pa ma lags so/ /de ci'i slad du zhe na/ bcom ldan 'das chos 'di ni 'jig rten
40a₅ thams cad dang mi 'thun pa'o/ /bka' stsal pa/ tshangs pa ji ltar 'jig rten thams cad dang mi 'thun pa yin/ gsol pa/ bcom ldan 'das ji ltar 'jig rten ni bden pa la mngon par chags na/ chos 'di ni bden pa yang ma lags/ pa yang ma lags so/ /'jig rten ni
40a₆ chos la mngon par chags na chos 'di ni chos kyang ma lags/ chos ma lags pa'ang ma lags so/ /'jig rten ni mya ngan las 'das pa la chags na/ chos 'di la ni 'khor ba yang ma mchis/ mya ngan las 'das pa yang ma mchis so/ /'jig rten ni dge ba la mngon par chags na
40a₇ 'di la ni dge ba yang ma mchis/ mi dge ba yang ma mchis so/ /'jig rten ni bde ba la mngon par chags na/ 'di la ni bde ba yang ma mchis/ sdug bsngal ba yang ma mchis so/ /'jig rten ni sangs rgyas 'byung ba la mngon par chags na 'di la sangs

_{iiif viewer powered by OpenSeadragon}

39b - 40b

Texts on this page