rKTs

e-texts navigator

Volume

Page

38a₁ 'jig rten dang / 'jig rten kun 'byung ba dang / 'jig rten 'gog pa dang / 'jig rten 'gog par 'gro ba'i lam du yang 'dogs so/ /tshangs pa de la 'jig rten zhes bya ba ni phung po lnga rnams so/ /gang de la chags pa de ni 'jig rten kun 'byung ba'o/ /gang phung
38a₂ po rnams kyi zad pa dang 'gag pa de ni 'jig rten 'gag pa'o/ /gang phung po rnams tshol ba dang mi tshol ba gnyis su med pa de ni lam mo/ /gzhan yang tshangs pa phung po rnams phung po rnams zhes tha dad du 'dogs pa la/ gang smra ba dang / smra bar lta ba 'di ni 'jig rten no/ /gang
38a₃ lta ba de'i rjes su 'brang ba 'di ni 'jig rten kun 'byung ba'o/ /gang lta ba de ji lta ba bzhin du mtshan nyid 'gag pa de ni 'jig rten 'gag pa zhes bya'o/ /lam gang gis lta ba de dag mi 'dzin pa de ni 'jig rten 'gog par 'gro ba'i lam ste/ tshangs pa ngas 'di la bsam nas nga ni lus
38a₄ 'dom gang ba 'di la 'jig rten dang / 'jig rten kun 'byung ba dang / 'jig rten 'gag pa dang / 'jig rten 'gag par 'gro ba'i lam du 'dogs so zhes tshig de skad bshad do/ /de nas bcom ldan 'das la tshangs pa khyad par sems kyis 'di skad ces gsol to/ /bcom ldan
38a₅ 'das de bzhin gshegs pas gang 'di 'phags pa'i bden pa bzhi bstan na/ bcom ldan 'das 'phags pa rnams kyi bden pa gang lags/ bcom ldan 'das kyis bka' stsal pa/ tshangs pa 'di ni sdug bsngal ba'o zhes bya ba de ni 'phags pa rnams kyi bden pa ma yin no/ /
38a₆ tshangs pa 'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes bya ba de ni 'phags pa rnams kyi bden pa ma yin no/ /de ci'i phyir zhe na/ tshangs pa 'di ni sdug bsngal ba'o/ /zhes bya ba ci ste 'phags
38a₇ pa rnams kyi bden pa yin du zin na/ de ni byol song ba lang dang / bong bu dang / sems can dmyal ba pa thams cad kyi yang 'phags pa'i bden par 'gyur ro/ /de ci'i phyir zhe na/ 'di ltar de dag ni sdug bsngal ba'i tshor ba rnams myong ngo / /tshangs pa 'di ni sdug bsngal kun

_{iiif viewer powered by OpenSeadragon}

37b - 38b

Texts on this page