rKTs

e-texts navigator

Volume

Page

36a₁ bas rtag tu bsam pa dri ma med/ /de phyir de ni rgyal bas kun tu 'gro bar gsungs/ /mi sdug sgom zhing 'dod chags kyis kyang chags pa med/ /byams la gnas shing zhe sdang gis ni gtum pa med/ /shes rab dag la gnas shing gti mug blun ma yin/ /mkhas pa rnams
36a₂ ni de la kun tu 'gro bar gsungs/ /de ni grong du ci bzhin de bzhin sgom pa yang / /dgon pa dang ni grong dang 'khor du de 'dra bar/ /de ni spyod lam rnam par 'gyur ba mi byed de/ /de phyir rgyal bas de la kun tu 'gro bar brjod/ /rgyal ba kun gyi chos nyid la ni de mos te/ /mkhas pas chos
36a₃ nyid la yang 'dod chags bral ba dang / /dge 'dun la yang 'dus ma byas par shin tu mos/ /de phyir rgyal ba rnams kyis kun tu 'gro bar gsungs/ /'dod chags mos pa dag gi spyod pa rab tu shes/ /zhe sdang mos pa rnams dang de bzhin gti mug dang / /spyod pa rnam par 'gyur ba la
36a₄ yang de mkhas te/ /de phyir de ni rgyal bas kun tu 'gro bar bstan/ /'dod pa'i khams la shin tu gnas par mi byed de/ /gzugs kyi khams la yang ni gnas par mi 'gyur ro/ /de ni gzugs med pa yi khams la mi gnas te/ /de phyir de ni rgyal bas kun tu 'gro bar brjod/ /rtag tu
36a₅ mtshan ma dang ni smon pas gsog gyur dang / /dngos po thams cad stong pa nyid du de mos te/ /zag pa rnams ni bar du zad par mi byed de/ /de phyir de ni rgyal bas kun tu 'gro bar bstan/ /de ni rang rgyal theg pa la yang mkhas pa yin/ /sgra phyir 'brang ba nyan thos 'gyur ba'ang de yis shes/ /
36a₆ rdzogs pa'i sangs rgyas theg pa'i pha rol song ba yin/ /de phyir bde bar gshegs pas kun tu 'gro bar brjod/ /de dag rtag par kun tu blo gros dri ma med/ /de dag tshul dang tshul ma yin la mi rmongs te/ /mdza' ba dang ni mi mdza' ba la mnyam pa'i yid/ /de phyir byang chub sems dpa'
36a₇ kun tu 'gro ba yin/ /'das pa dag gi chos la'ang rnam par mi rtog cing / /ma 'ongs pa dang da ltar gyi la'ang de bzhin te/ /thams cad du yang dpa' bo rnam par mi rtog spyod/ /de phyir sems can dag pa kun tu 'gro ba'o// //bam po gnyis pa/ de nas bcom ldan 'das la

_{iiif viewer powered by OpenSeadragon}

35b - 36b

Texts on this page