rKTs

e-texts navigator

Volume

Page

34a₁ gal te sangs rgyas kyi zhing gang gA'i klung gi bye ma snyed du dong yang bstan pa 'di las mi thar to/ /rigs kyi bu 'di lta ste dper na/ skyes bu byis pa'i rang bzhin can nam mkhas 'jigs shing skrag ste bros kyang de ga las gar song ba de dang de dag tu nam mkha'
34a₂ mthong ngo / /de bzhin du dge slong 'di dag ji srid du ring du song yang stong pa nyid dang / mtshan ma med pa dang / smon pa med pa'i mtshan nyid las ma 'das so/ /'di lta ste dper na/ skyes bu gzhan zhig nam mkha' rnyed par bya'o/ /zhes nam mkha' tshol te/ phyogs dang
34a₃ phyogs mtshams su rgyug cing ji tsam nas nam mkha'i ming nas brjod kyang nam mkha' mi rnyed do/ /de nam mkha' de nyid kyi nang nas 'gro yang de mi mthong ngo / /de ci'i phyir zhe na/ gang nam mkha' zhes bya ba 'di ni ming tsam mo/ /rigs kyi bu de bzhin du dge slong 'di dag kyang
34a₄ mya ngan las 'das pa dngos por tshol te/ mya ngan las 'das pa de nyid la rnam par spyod kyang de mi mthong khong du mi chud do/ /de ci'i phyir zhe na/ rigs kyi bu gang mya ngan las 'das pa zhes bya ba de ni ming tsam mo/ /ji ltar nam mkha' nam mkha' zhes brjod kyang gzung du med pa
34a₅ de bzhin du mya ngan las 'das pa mya ngan las 'das pa zhes brjod pa yang gzung du med pa'o/ /de nas dge slong lnga brgya po de dag bshad pa 'di thos nas zag pa las len pa med par sems rnam par grol te/ mngon par shes pa thob pa de dag gis tshig smras pa/ bcom ldan
34a₆ 'das gang rnams chos thams cad shin tu yongs su mya ngan las 'das pa la mya ngan las 'das pa dngos por tshol ba de dag la sangs rgyas 'byung ba ma mchis so/ /bcom ldan 'das bdag cag ni so so skye bo yang ma lags/ slob pa yang ma lags/ dgra bcom pa yang ma
34a₇ lags/ 'khor ba'i chos can yang ma lags/ mya ngan las 'das pa'i chos can yang ma lags so/ /de ci'i phyir zhe na/ bcom ldan 'das sangs rgyas 'byung ba ni byed pa dang / sems dang g.yo ba dang / spros pa thams cad ma mchis pa'o/ /de nas tshe dang ldan pa

_{iiif viewer powered by OpenSeadragon}

33b - 34b

Texts on this page