rKTs

e-texts navigator

Volume

Page

33b₁ de'i nang nas dge slong lnga brgya bstan pa 'di thos pa dang / stan las langs te dong ngo / /tshig 'di skad ces kyang smras te/ gal te 'di la gang yang mi 'khor/ gal te gang yang yongs su mya ngan las mi 'da' na/ bdag cag tshangs par spyod pa la gnas pa yang don med do/ /bdag
33b₂ cag lam sgom pa dang / bsam gtan dang / ting nge 'dzin dang / snyoms par 'jug pa yang ci dgos zhes zer ro/ /de nas bcom ldan 'das la gzhon nur gyur pa dra ba can gyi 'od kyis 'di skad ces gsol to/ /bcom ldan 'das gang dag chos gang la skye ba'am/ 'gag
33b₃ par 'tshal ba de dag la sangs rgyas 'byung ba ma mchis so/ /bcom ldan 'das gang dag mya ngan las 'das pa dngos por tshol ba de dag la yang 'khor ba las 'da' ba ma mchis so/ /de ci'i slad du zhe na/ bcom ldan 'das mya ngan las 'das pa zhes bgyi ba ni gang mtshan ma
33b₄ thams cad rab tu zhi ba dang / g.yo ba thams cad ma mchis par gyur pa lags na bcom ldan 'das skyes bu blun po 'di dag legs par bshad pa'i chos 'dul ba la rab tu byung nas mu stegs can gyi lta bar lhung ste/ mya ngan las 'das par dngos por tshol lo/ /'di lta ste/
33b₅ bcom ldan 'das til las til mar dang / 'o ma las mar bzhin du chos thams cad shin tu mya ngan las 'das pa la gang rnams mya ngan las 'das pa la dngos por tshol ba de dag ni nyan thos mu stegs can nga rgyal can zhes bdag mchi'o/ /bcom ldan 'das rnal 'byor spyod pa
33b₆ yang dag par zhugs pa'i chos gang la yang skye ba'am 'gag par mi mthong / chos gang la'ang 'thob pa'am/ mngon par rtogs par mi 'tshal lo/ /de nas gzhon nur gyur pa dra ba can gyi 'od kyis tshangs pa khyad par sems la 'di skad ces smras so/ /tshangs pa dge slong lnga brgya
33b₇ 'khor 'di nas stan las langs te/ dong ba 'di dag ci nas kyang chos 'dul ba la 'jug pa dang / mos par 'gyur ba dang / sdig pa'i lta bar 'gyur ba de las rnam par grol bar ston cig /smras pa/ rigs kyi bu 'dod la rag go/ /'dod la rag go/ /

_{iiif viewer powered by OpenSeadragon}

33a - 34a

Texts on this page