| e-texts navigator |
| བོད་ཡིག |
32b1 dad du byed pa dang / dge 'dun tha dad du byed pa dang / zhing tha dad du byed pa dang / sems can tha dad du byed pa dang / theg pa tha dad du byed pa de dag ni tshul bzhin ma yin pa'o/ /dra ba can gyi 'od gang la chos gang yang tha dad par ram/ gcig par mi 'dri ba de ni tshul bzhin 'dri
32b2 ba'o/ /gzhan yang dra ba can gyi 'od chos thams cad ni tshul bzhin no/ /chos thams cad ni tshul bzhin ma yin pa'o/ /smras pa tshangs pa ji ltar na chos thams cad ni tshul bzhin/ chos thams cad ni tshul bzhin ma yin/ smras pa/ chos thams cad bsam gyis mi khyab pa'i
32b3 phyir chos thams cad ni tshul bzhin no/ /chos thams cad bsam gyis mi khyab pa la sems par zhugs pa de dag ni tshul bzhin ma yin pa'o/ /chos thams cad ni dben pa'i mtshan nyid de ni tshul bzhin no/ /gang dben pa la ma mos pa de dag ni lhag par byed pa la zhugs pa'o/ /
32b4 gang lhag par byed pa la zhugs pa de dag ni lhag par byed pa la brtson pa'o/ /gang lhag par byed pa la brtson pa de dag ji tsam du lhag par byed pa de tsam du tshul bzhin du ma yin pa'o/ /smras pa tshangs pa chos rnams kyi tshul gang yin/ smras pa rigs kyi bu rang gi yul dben pa
32b5 'dod chags dang bral ba'i mtha' ni chos rnams kyi tshul lo/ /smras pa tshangs pa gang chos thams cad kyi tshul 'di khong du chud pa'i sems can de dag ni nyung zhing 'byung bar 'gyur ro/ /smras pa rigs kyi bu 'dod chags dang bral ba'i mtha' ni gcig pa'ang ma yin/ mang po yang ma yin
32b6 te/ dra ba can gyi 'od rigs kyi bu'am/ rigs kyi bu mo gang chos rnams kyi tshul bzhin 'di dag gi rjes su song ba'am/ rjes su 'gro ba'am/ rjes su 'gro bar 'gyur ba de dag gis chos gang yang ma rtogs mi rtogs rtogs par mi 'gyur ro/ /de ci'i phyir zhe na/ khong du
32b7 chud pa med par bcom ldan 'das kyis kun shes pa lung bstan pa gsungs so/ /gang rnams tshul bzhin du chos bstan pa 'di thos nas mos par byed pa de dag ni ji ltar bstan par de bzhin du rab tu sbyor ba yin te/ de dag ni chos gang la yang spros par mi byed par 'gyur ro/ /su chos
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo