rKTs

e-texts navigator

Volume

Page

32a₁ yin pa'o/ /'khor ba las shin tu bzla ba'i phyir 'dri na de ni tshul bzhin ma yin pa'o/ /yongs su mya ngan las 'da' ba'i phyir 'dri na de ni tshul bzhin ma yin pa'o/ /dra ba can gyi 'od gang la kun nas nyon mongs pa'i phyir ma yin/ rnam par byang ba'i phyir
32a₂ ma yin/ 'khor ba'i phyir ma yin/ 'khor ba las shin tu bzla ba'i phyir ma yin/ yongs su mya ngan las 'da' ba'i phyir 'dri ba med pa de ni tshul bzhin 'dri ba'o/ /de ci'i phyir zhe na/ chos mi 'gyur ba nyid ni kun nas nyon mi mongs/ rnam par byang bar mi 'gyur/ mi 'khor zhing
32a₃ yongs su mya ngan las mi 'da'o/ /gzhan yang dra ba can gyi 'od 'thob pa'i phyir 'dri na de ni tshul bzhin ma yin pa'o/ /mngon du bya ba'i phyir 'dri na de ni tshul bzhin ma yin pa'o/ /mngon par shes pa'i phyir 'dri na de ni tshul bzhin ma yin pa'o/ /yongs su shes pa dang
32a₄ sgom pa'i phyir 'dri na de ni tshul bzhin ma yin pa'o/ /'bral ba'i phyir 'dri na de ni tshul bzhin ma yin pa'o/ /dra ba can gyi 'od gang la thogs pa med pa dang / 'dzin pa med pa dang / mngon par 'du bya ba med pa dang / kun tu rtog pa med pa dang / mngon par shes pa med
32a₅ pa dang / gnas med pa dang / bsgom pa med pa dang / bsgom par lta ba med pa de ni tshul bzhin 'dri ba'o/ /gzhan yang dra ba can gyi 'od 'di ni dge ba'o/ /'di ni mi dge ba'o/ /'di ni zag pa dang bcas pa'o/ /'di ni zag pa med pa'o/ /'di ni kha na ma tho ba dang
32a₆ bcas pa'o/ /'di ni kha na ma tho ba med pa'o/ /'di ni 'dus byas so/ /'di ni 'dus ma byas so/ /'di ni 'jig rten pa'o/ /'di ni 'jig rten las 'das pa'o/ /zhes 'dri na de ni tshul bzhin ma yin pa ste/ dra ba can gyi 'od ji tsam du gnyis su 'jug pas 'dri ba
32a₇ de tsam du tshul bzhin ma yin pa'o/ /dra ba can gyi 'od gang la gnyis med pa dang / gnyis ma yin pa med pa dang / 'du shes med pa dang / ming med pa dang / spyi mi 'jug pa de ni tshul bzhin 'dri ba'o/ /gzhan yang dra ba can gyi 'od sangs rgyas tha dad du byed pa dang / chos tha

_{iiif viewer powered by OpenSeadragon}

31b - 32b

Texts on this page