rKTs

e-texts navigator

Volume

Page

31b₁ dpa' sems dpa' chen po rnams sangs rgyas kyi rigs mi gcod do/ /bcom ldan 'das kyis bzhi pa mngon par bsgrub pa 'di bshad pa na/ lha dang mir bcas pa'i skye dgu rnams las srog chags stong phrag sum cu rtsa gnyis bla na med pa yang dag par rdzogs pa'i byang chub tu
31b₂ sems skyes so/ /byang chub sems dpa' lnga stong yang mi skye ba'i chos la bzod pa skyes so/ /sangs rgyas kyi zhing sna tshogs nas 'dus pa'i byang chub sems dpa' de dag gis kyang bcom ldan 'das la mchod pa bya ba'i phyir stong gsum gyi stong chen po'i 'jig rten gyi khams 'dir
31b₃ lha'i me tog rnams kyis pus mo nub tsam du khebs par byas so/ /de nas gzhon nur gyur pa dra ba can gyi 'od kyis tshangs pa khyad par sems la 'di skad ces smras so/ /tshangs pa khyod bcom ldan 'das kyis byang chub sems dpa' tshul bzhin dri ba 'dri ba la mkhas pa
31b₄ rnams kyi mchog tu gsungs na/ de ji ltar dris na byang chub sems dpa' tshul bzhin dri ba yin/ khyad par sems kyis smras pa/ rigs kyi bu bdag tu sgro 'dogs pas 'dri na tshul bzhin ma yin pas 'dri'o/ /gzhan du sgro 'dogs pas 'dri na tshul bzhin ma yin par
31b₅ 'dri'o/ /chos su sgro 'dogs pas 'dri na tshul bzhin ma yin par 'dri'o/ /dra ba can gyi 'od gang la bdag tu sgro 'dogs pa med pa dang / gzhan du sgro 'dogs pa med pa dang / chos su sgro 'dogs pa med pa 'di ni tshul bzhin 'dri'o/ /gzhan yang dra ba can gyi 'od
31b₆ bskyed pa'i phyir 'dri na tshul bzhin ma yin par 'dri'o/ /'gag pa'i phyir 'dri na tshul bzhin ma yin pa'o/ /gnas dang gnas ma yin pa'i phyir 'dri na de ni tshul bzhin ma yin pa'o/ /dra ba can gyi 'od gang la chos gang yang skye ba'i phyir ram/ 'gag pa'i phyir ram/
31b₇ gnas dang gnas ma yin pa'i phyir 'dri ba med pa de ni tshul bzhin 'dri ba'o/ /gzhan yang dra ba can gyi 'od kun nas nyon mongs pa'i phyir 'dri na de ni tshul bzhin ma yin pa'o/ /rnam par byang ba'i phyir 'dri na de ni tshul bzhin ma yin pa'o/ /'khor ba'i phyir 'dri na de ni tshul bzhin ma

_{iiif viewer powered by OpenSeadragon}

31a - 32a

Texts on this page