| e-texts navigator |
| བོད་ཡིག |
2b1 gyur nas thams cad dang ldan pa'i tshal chen po 'od kyis snang bar byas te/ bcom ldan 'das kyi spyan sngar ha cang yang mi ring ba zhig tu 'dug go/ /de nas mi mjed kyi bdag po tshangs pas 'di snyam du bsams te/ sangs rgyas bcom ldan 'das rnams ni bsnyen par
2b2 d ka' ba rnam par shes pa dka' ba yin na bcom ldan 'das ting nge 'dzin la snyoms par zhugs pa la bdag gis lud pa bsal ba'i sgra'am smra ba tsam gyis bzhengs par gsol ba ni bdag gi cha ma yin gyis bdag gis tshigs su bcad pa dag gis bcom ldan 'das bzhengs
2b3 par gsol/ gor ma chag snyam ste/ de nas mi mjed kyi bdag po tshangs pas bla gos phrag pa gcig tu gzar nas 'dug bzhin du bcom ldan 'das ga la ba de logs su thal mo sbyar ba btud de mgo btud nas/ bcom ldan 'das la tshigs su bcad pa dag
2b4 gis bzhengs par gsol to/ /ma gos dri ma ma mchis rnam par dag /lha dang mi mchog rnams dang dri za dang / /klu dang lha min rnams kyis legs mchod pa/ /sems can sman slad mgon po khyod la mchod/ /dper na ri ni rab tu mi g.yos dang / /ji ltar
2b5 rgya mtsho gting ni mi dpogs ltar/ /bdud rnams thams cad kyis kyang mi g.yos la/ /thub pa skyes bu mchog ni bsam gtan mdzad/ /zang zing mi mnga' mtshan ma mi mnga' zhing / /tha dad mi mnga' brtan pa mi mnga' la/ /gnas mi mnga' zhing snang ba mi mnga'
2b6 ba'i/ /thub pa skyes bu dam pa bsam gtan mdzad/ /rtog ge rnams kyi yul ni ma lags shing / /byis pa rnams kyi spyod yul ma lags pa/ /sems dang sems las byung bas rab 'das pa/ /bsam gtan pha rol gshegs pa bsam gtan mdzad/ /mgon
2b7 po seng ge bzhin du gsung yang sgrog / thub pa 'brug bzhin sgrog pa rab tu mdzad/ /dpa' bo zla ba bzhin du rab tu mdzes/ /sems can dkon mchog khyod la phyag 'tshal lo/ /de nas bcom ldan 'das kyis mi mjed kyi bdag po tshangs pas bskul ba'i tshigs
iiif viewer powered by OpenSeadragon
Texts on this page
D158 - 'phags pa tshangs pas zhus pa zhes bya ba theg pa chen po'i mdo