| e-texts navigator |
| བོད་ཡིག |
28b1 mi 'am cir bcas pa/ /chos nyid 'tshal ba mang po tshogs pa la/ /ji ltar mos pa bzhin du chos nyid gsungs/ /dge bsnyen dge bsnyen ma dang dge slong dang / /dge slong ma dang 'khor bzhi 'di dag tshogs/ /ji ltar thos nas nor grub rab 'dong bar/ /de ltar
28b2 de dag la ni chos bstan gsol/ /gang rnams sangs rgyas theg la rtag mos dang / /de bzhin rang rgyal theg dang nyan thos theg /theg pa gang gi sems bsam gang mkhyen pa/ /de la sman pa'i slad du de gsungs shig /sangs rgyas rigs la gnas phyir
28b3 gang bzhugs pa/ /dkon mchog gsum po gang las byung ba yi/ /byang chub nges sems dag la sman slad du/ /chos kyi rgyal po khyod la bdag gsol lo/ /khyod kyi bsngags pa'i phreng ba grags thos nas/ /shes rab yangs pa 'di rnams bde bar lhags/ /
28b4 sems can gtso bo de dag mkhyen pa bzhin/ /de dag la ni bla med spyod pa shod/ /'di ltar bde gshegs mkhyen pa bsam mi khyab/ /dgra bcom bdag nyid chen pos 'di min/ /'di ni rang rgyal gyi yang yul ma lags/ /bdag kyang 'dren la dad pa'i rjes
28b5 su 'brang / /bdag gis gang khyod don chen 'di dris pa/ /'jig rten rnam 'dren khyod la bdag bzod gsol/ /gang phyir khyod kyi thugs ni skyo mi mnga'/ /de phyir byang chub lam mchog bstan du gsol/ /de nas bcom ldan 'das kyi spyan sngar tshangs pa khyad par
28b6 sems kyis tshigs su bcad pa 'di dag smras nas/ bcom ldan 'das la 'di skad ces gsol to/ /bcom ldan 'das ji ltar na byang chub sems dpa' dag lhag pa'i bsam pa brtan zhing yid mi skyo ba rnams lags/ bcom ldan 'das ji ltar na byang chub sems
28b7 dpa' dag mgo gcig tu smra zhing tshig gdung ba ma mchis pa rnams lags/ ji ltar na dge ba'i rtsa ba rnams mngon par 'phags pa rnams lags/ ji ltar na bslad pa ma mchis shing spyod lam yang mi 'khrug pa rnams lags/ ji ltar na chos dkar po rnams rnam par 'phel
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo