| e-texts navigator |
| བོད་ཡིག |
26b1 slar zhu ba'i slad du bdag mchi'o/ /bcom ldan 'das des bka' stsal pa/ tshangs pa da ltar mi mjed kyi 'jig rten gyi khams der byang chub sems dpa' bye ba phrag mang po yang phyin gyis de'i dus la dbab par shes na khyod song shig /tshangs pa sangs rgyas kyi
26b2 zhing der lhag pa'i bsam pa bcu rnams kyis gnas par bya'o/ /bcu gang zhe na/ snyan par smra ba dang / ngan du smra ba rnams la khong khro ba med pa'i sems dang / snyan pa thos pa dang / mi snyan pa thos pa la byams pa'i sems dang / dus thams cad du sems
26b3 can rnams la snying rje ba'i sems dang / sems can rab 'bring tha ma rnams la yang dag par sbyor ba dang / ri mo byed pa dang / brnyas par byed pa rnams la sems mnyam pa dang / gzhan gyi ltung ba'i 'khrul pa thams cad la nyes par mi lta ba dang / theg pa
26b4 sna tshogs la ro gcig pa dang / ngan song gi sdug bsngal thams cad kyi sgras mi skrag pa dang / byang chub sems dpa' thams cad la ston par 'du shes pa dang / sangs rgyas kyi zhing snyigs ma lnga can na de bzhin gshegs pa mthong ba la ngo mtshar du 'du shes pa ste/
26b5 tshangs pa lhag pa'i bsam pa bcu po de dag gis sangs rgyas kyi zhing der gnas par bya'o/ /de nas bcom ldan 'das la tshangs pa khyad par sems kyis 'di skad ces gsol to/ /bcom ldan 'das kyi spyan sngar bdag seng ge'i sgra mi sgrog ste/ 'on kyang
26b6 bdag gis spyod pa gang lags pa'i spyod pa 'di la bcom ldan 'das nyid mngon sum du gyur pas bcom ldan 'das bdag gis lhag pa'i bsam pa de dag kyang rnam par sbyang zhing mnyam par gzhag pa'i bye brag gis kyang sangs rgyas kyi zhing der gnas par bgyi'o/ /
26b7 de nas bcom ldan 'das de bzhin gshegs pa zla 'od kyi sangs rgyas kyi zhing de'i byang chub sems dpa' gzhan dag gis kyang bcom ldan 'das la 'di skad ces gsol to/ /bcom ldan 'das de ltar sems can ma rungs pa rnams tshogs pa'i sangs rgyas kyi zhing der
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo