rKTs

e-texts navigator

Volume

Page

25a₁ med par 'gyur ba zhes bya ba'i 'od zer des ni sems can log par lta ba can rnams yang dag par lta ba thob par 'gyur ro/ /rab tu gtong ba zhes bya ba'i 'od zer des ni sems can ser sna can rnams gtong ba thob par 'gyur ro/ /yongs su gdung ba
25a₂ med pa zhes bya ba'i 'od zer des ni sems can ngan pa'i ngang tshul can rnams tshul khrims thob par 'gyur ro/ /phan pa dang ldan pa zhes bya ba'i 'od zer des ni sems can gnod par sems pa rnams bzod pa dang des pa thob par 'gyur ro/ /'bar ba can zhes bya ba'i
25a₃ 'od zer des ni sems can le lo can rnams brtson 'grus thob par 'gyur ro/ /rtse gcig pa zhes bya ba'i 'od zer des ni sems can dran pa nyams pa rnams bsam gtan thob par 'gyur ro/ /ye shes zhes bya ba'i 'od zer des ni sems can 'chal pa'i shes rab
25a₄ can rnams shes rab thob par 'gyur ro/ /rnyog pa med pa zhes bya ba'i 'od zer des ni sems can ma dad pa rnams dad pa thob par 'gyur ro/ /kun 'dzin pa zhes bya ba'i 'od zer des ni sems can thos pa nyung ba rnams thos pa thob par 'gyur ro/ /spyod pa dang ldan
25a₅ pa zhes bya ba'i 'od zer des ni sems can ngo tsha ba dang 'dzem pa med pa rnams ngo tsha shes pa dang / khrel yod pa thob par 'gyur ro/ /skyo ba zhes bya ba'i 'od zer des ni sems can 'dod chags spyod pa rnams kyi 'dod chags 'joms par 'gyur ro/ /dga' ba zhes bya
25a₆ ba'i 'od zer des ni sems can zhe sdang spyod pa rnams kyi zhe sdang 'joms par 'gyur ro/ /snang ba can zhes bya ba'i 'od zer des ni sems can gti mug spyod pa rnams rten cing 'brel par 'byung ba khong du chud par 'gyur ro/ /kun tu 'gro ba zhes bya ba'i 'od zer des ni sems
25a₇ can cha mnyam pa spyod pa rnams cha mnyam pa spyod pa spong bar 'gyur ro/ /dra ba can gyi 'od de bzhin gshegs pa la gzugs thams cad ston pa zhes bya ba'i 'od zer yod de/ 'od zer des reg pa'i sems can rnams de bzhin gshegs pa'i sku kha dog sna tshogs kha dog du ma/

_{iiif viewer powered by OpenSeadragon}

24b - 25b

Texts on this page