rKTs

e-texts navigator

Volume

Page

24b₁ zhes bya ba'i 'od zer des reg pa'i sems can rnams de bzhin gshegs pa la rang sangs rgyas kyi theg pa kun 'dri'o/ /'od zer thams cad mkhyen pa'i ye shes su dbang bskur ba thob pa zhes bya ba'i 'od zer des reg pa'i sems can rnams de bzhin gshegs pa la
24b₂ theg pa chen po sangs rgyas kyi theg pa kun 'dri'o/ /'od zer khyad par du 'gro ba zhes bya ba'i 'od zer des de bzhin gshegs pa byon pa'am bzhud pa'i zhabs kyi mthil gyis sems can gang la reg pa de dag shi 'phos ma thag tu bde 'gro mtho ris kyi 'jig rten du skye'o/ /
24b₃ rgyan thams cad bkod pa zhes bya ba'i 'od zer de/ de bzhin gshegs pa grong du gshegs pa na 'byin te/ der de bzhin gshegs pa'i 'od des sems can su dag la reg pa de dag thams cad bde ba'i mchog dang ldan par 'gyur ro/ /rgyan thams cad bkod pa yang
24b₄ grong khyer der 'byung bar 'gyur ro/ /rnam par 'thor ba zhes bya ba'i 'od zer des ni de bzhin gshegs pa 'jig rten gyi khams mtha' yas mu med pa rab tu g.yo bar byed do/ /bde ba ston pa zhes bya ba'i 'od zer des ni sems can dmyal ba pa'i sems can rnams kyi sems
24b₅ can dmyal ba'i sdug bsngal med par byed do/ /'od zer byams pas 'phags pa zhes bya ba des ni byol song gi skye gnas su song ba'i sems can rnams gcig la gcig mi za bar byed do/ /'od zer rab tu sim par byed pa zhes bya ba des ni gshin rje'i 'jig rten pa'i
24b₆ sems can rnams kyi gshin rje'i 'jig rten gyi sdug bsngal med par byed do/ /dri ma med pa zhes bya ba'i 'od zer des ni sems can ldongs pa rnams mig thob par 'gyur ro/ /rna ba'i rjes su 'thun pa zhes bya ba'i 'od zer des ni sems can 'on pa rnams rna ba thob par
24b₇ 'gyur ro/ /rnam par spong ba zhes bya ba'i 'od zer des ni sems can mi dge ba bcu'i las kyi lam la gnas pa rnams dge ba bcu'i las kyi lam thob par 'gyur ro/ /ngo tsha shes pa zhes bya ba'i 'od zer des ni sems can myos pa rnams dran pa 'thob par 'gyur ro/ /

_{iiif viewer powered by OpenSeadragon}

24a - 25a

Texts on this page