rKTs

e-texts navigator

Volume

Page

24a₁ can gyi 'od kyis 'di skad ces gsol to/ /bcom ldan 'das kyi sku ni blta bas chog mi shes pa kha dog nyi ma bye ba khrag khrig brgya stong bas lhag pa lags te/ bcom ldan 'das bdag ni de bzhin gshegs pa'i sku blta ba'am brtag par nus
24a₂ pa 'di ni ngo mtshar to snyam bgyid do/ /bcom ldan 'das yang bdag ni de bzhin gshegs pa'i sku blta ba'am rtog pa de dag thams cad ni sangs rgyas kyi mthu'o snyam bgyid do/ /bcom ldan 'das kyis bka' stsal pa/ dra ba can gyi 'od ji skad zer ba de bzhin te/ de
24a₃ bzhin gshegs pas skabs ma phye bar de bzhin gshegs pa'i sku blta ba'am brtag par mi nus so/ /de ci'i phyir zhe na/ dra ba can gyi 'od de bzhin gshegs pa la rab tu zhi ba'i rnam par bkod pa zhes bya ba'i 'od zer yod de/ 'od zer des reg pa'i sems can rnams
24a₄ de bzhin gshegs pa'i sku la yang blta zhing rtog la de dag gi mig gi dbang po yang nyams par mi 'gyur ro/ /dra ba can gyi 'od de bzhin gshegs pa la mi 'jigs pa spobs pa zhes bya ba'i 'od zer yod de/ 'od zer des reg pa'i sems can rnams de bzhin gshegs
24a₅ pa la kun 'dri zhing phyir 'dri bar byed do/ /dra ba can gyi 'od de bzhin gshegs pa la dge ba'i rtsa ba bsags pa zhes bya ba'i 'od zer yod de/ 'od zer des reg pa'i sems can rnams 'khor los sgyur ba'i rgyal po'i rgyal srid thob par bya ba'i phyir de bzhin gshegs pa la kun
24a₆ 'dri'o/ /de bzhin du sbyar te/ 'od zer dge ba'i rnam par bkod pa zhes bya ba'i 'od zer des reg pa'i sems can rnams brgya byin thob par bya ba'i phyir de bzhin gshegs pa la kun 'dri'o/ /'od zer bdag po thob pa zhes bya ba'i 'od zer des reg pa'i sems can rnams tshangs
24a₇ pa'i 'jig rten du skye bar bya ba'i phyir de bzhin gshegs pa la kun 'dri'o/ /'od zer nyon mongs pa med par gyur pa zhes bya ba'i 'od zer des reg pa'i sems can rnams de bzhin gshegs pa la nyan thos kyi theg pa kun 'dri'o/ /'od zer rtse gcig pa dben pa dang ldan pa

_{iiif viewer powered by OpenSeadragon}

23b - 24b

Texts on this page