| e-texts navigator |
| བོད་ཡིག |
23a1 @##/ /rgya gar skad du/ Ar+ya brah+ma bi she Sha tsin ti pa ri pr-its+tsha nA ma ma hA yA na sU tra/ bod skad du/ 'phags pa tshangs pa khyad par sems kyis zhus pa zhes bya ba theg pa chen po'i mdo/ bam po dang po/ sangs rgyas dang byang chub sems dpa' thams cad la phyag 'tshal
23a2 lo/ /'di skad bdag gis thos pa dus gcig na/ bcom ldan 'das rgyal po'i khab bya ka lan da ka gnas pa'i 'od ma'i tshal na dge slong stong phrag drug cu rtsa bzhi'i dge slong gi dge 'dun chen po dang / byang chub sems dpa' stong phrag bdun cu rtsa gnyis dang thabs cig tu
23a3 bzhugs te/ thams cad kyang mngon par shes pas mngon par shes pa/ gzungs thob pa/ spobs pa thogs pa med pa/ ting nge 'dzin thob pa/ mngon par shes pas rnam par rol cing spobs pa mi 'jigs pa dang ldan pa/ chos thams cad kyi ngo bo nyid ston pa la
23a4 mkhas pa mi skye ba'i chos la bzod pa thob pa rnams la 'di lta ste/ gzhon nur gyur pa 'jam dpal dang / gzhon nur gyur pa lag na rin po che dang / gzhon nur gyur pa lag na phyag rgya rin po che dang / gzhon nur gyur pa rin po che dpal dang / gzhon nur gyur pa nam mkha' mdzod dang /
23a5 gzhon nur gyur pa sems bskyed ma thag tu chos kyi 'khor lo bskor ba dang / gzhon nur gyur pa dra ba can gyi 'od dang / gzhon nur gyur pa rnam par bsgyings pa dang / gzhon nur gyur pa dpal gyi snying po dang / gzhon nur gyur pa bdog pa thams cad yongs su gtong ba dang /
23a6 gzhon nur gyur pa pad ma bkod pa dang / gzhon nur gyur pa seng ge dang / gzhon nur gyur pa zla 'od dang / gzhon nur gyur pa zla ba'i 'od zer gyi 'od dang / gzhon nur gyur pa blo gros mchog dang / gzhon nur gyur pa rgyan thams cad bkod pa dang / bzang skyong la sogs pa skyes
23a7 bu dam pa bcu drug la 'di lta ste/ bzang skyong dang / dkon mchog 'byung gnas dang / ded dpon mchog dang / mes byin dang / phug sbas dang / chus byin dang / dbang pos byin dang / bla ma'i blo gros dang / khyad par blo gros dang / blo gros 'phel dang / mthong ba
iiif viewer powered by OpenSeadragon
Texts on this page
D160 - 'phags pa tshangs pa khyad par sems kyis zhus pa zhes bya ba theg pa chen po'i mdo