| e-texts navigator |
| བོད་ཡིག |
22b1 stsal pa/ mthong ba don yod rgyal po tshangs pas byin 'di ni bskal pa sum cu'i bar du log par ltung bar mi 'gyur te/ lha dang mi'i phun sum tshogs pa myong nas sangs rgyas dung phyur phrag brgyad mnyes par byed par 'gyur ro/ /thams cad du yang 'khor los sgyur ba'i rgyal
22b2 por 'gyur te/ gling bzhi yongs su btang nas sangs rgyas bcom ldan 'das de dag thams cad la zhe 'gras pa med pa'i sems kyis dgongs pa bzhin du bsnyen bkur byed par 'gyur ro/ /de de'i 'og tu bde ba can gyi bkod pa dang 'dra ba'i sangs rgyas kyi zhing du bla na med pa yang
22b3 dag par rdzogs pa'i byang chub mngon par rdzogs par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas bkod pa dpag tu med pa'i rgyal po zhes bya bar 'gyur ro/ /de nas rgyal po tshangs pas byin tshim zhing mgu la yid rangs
22b4 te/ rab tu dga' zhing dga' ba dang yid bde ba skyes te/ byang chub sems dpa' mthong ba don yod kyi rkang pa la yan lag lngas gtugs nas/ bcom ldan 'das mthong ba don yod la gang gi phyir bdag gi slad du dge slong gi dge 'dun de dag dang lhan cig 'ob rgyal cing
22b5 bzhugs par gyur pa bdag gis lhag pa'i bsam pas bzod pa gsol lo zhes byas so/ /byang chub sems dpa' mthong ba don yod kyis kyang rgyal po tshangs pas byin la snying brtse ba'i phyir bzod par byas so/ /bcom ldan 'das kyis de skad ces bka' stsal nas/ rgyal
22b6 po tshangs pas byin dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ /'phags pa tshangs pas byin gyis zhus pa zhes bya ba theg pa chen po'i mdo rdzogs so// //
22b7 rgya gar gyi mkhan po su ren+d+ra bo d+hi dang / pradz+nyA barma dang / zhu chen gyi lo ts+tsha ba ban+de ye shes sde la sogs pas bsgyur cing zhus te gtan la phab pa// //sho lo ka sum brgya mchis so// //
iiif viewer powered by OpenSeadragon
Texts on this page
D159 - 'phags pa tshangs pas byin gyis zhus pa zhes bya ba theg pa chen po'i mdo