rKTs

e-texts navigator

Volume

Page

22a₁ gsum/ /bskal pa bye ba mang por myong bar 'gyur/ /de ni dad pas byin pa mi rigs spyod/ /de ni g.yang sa chen po bzhi pa yin/ /de ni 'jig rten sus kyang skyabs mi nus/ /sdig pa'i las can ngan song kun tu rgyug /bsam pa dag pa 'phags pa'i
22a₂ dag pa yin/ /byang chub g.yo med de ni sems kyi gzhi/ /smras pa tsam gyis byang chub mi 'thob kyi/ /sems kyang dag par bya zhes bde gshegs gsungs/ /bcom ldan 'das kyis chos kyi rnam grangs 'di bshad pa na srog chags lnga stong gis sngon ma bskyed pa las bla na
22a₃ med pa yang dag par rdzogs pa'i byang chub tu sems bskyed de mi skye ba'i chos rnams la yang bzod pa thob par gyur to rgyal po tshangs pas byin yang bla na med pa yang dag par rdzogs pa'i byang chub las phyir mi ldog par gyur to/ /srog chags 'bum ni chos rnams la chos kyi mig rdul med cing
22a₄ dri ma dang bral ba rnam par dag go/ /lha dung phyur gyis ni sngon ma bskyed pa las byang chub tu sems bskyed do/ /de nas bcom ldan 'das kyis de'i tshe 'dzum pa mdzad do/ /'di ni sangs rgyas bcom ldan 'das rnams kyi chos nyid de gang gi tshe 'dzum pa mdzad pa de'i mod la/ bcom
22a₅ ldan 'das kyi zhal gyi sgo nas 'od zer kha dog du ma kha dog sna tshogs pa 'di lta ste/ sngon po dang / ser po dang / dmar po dang / dkar po dang / btsod ka dang / shel gyi kha dog dang / dngul gyi kha dog lta bu dag byung ste/ de dag gis 'jig rten gyi khams mtha' yas mu med
22a₆ pa snang bas khyab par byas nas steng du yang tshangs pa'i 'jig rten gyi bar du song ste/ nyi ma dang zla ba rnams kyi gzi brjid kyang med par byas nas phyir log ste/ bcom ldan 'das la lan gsum bskor ba byas nas bcom ldan 'das kyi spyi bo'i gtsug tu mi snang bar gyur to/ /de
22a₇ nas byang chub sems dpa' mthong ba don yod kyis bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /bcom ldan 'das 'dzum pa mdzad pa'i rgyu gang lags/ rkyen gang lags/ bcom ldan 'das kyis bka'

_{iiif viewer powered by OpenSeadragon}

21b - 22b

Texts on this page