rKTs

e-texts navigator

Volume

Page

21b₁ par bya ba'i phyir nyin lan gsum mtshan lan gsum du byang chub sems dpa' 'dus pa la yan lag lngas gtugs te/ nyes pa bshags nas gdod de'i 'og tu las de rnam par dag par 'gyur ro/ /de nas de bzhin gshegs pa yang mthong / chos kyang shes par 'gyur la/
21b₂ byang chub tu lung bstan pa yang thob par 'gyur ro/ /de nas bcom ldan 'das la rgyal po tshangs pas byin gyis 'di skad ces gsol to/ /bcom ldan 'das dge slong de dag bsal du stsal bar bgyi'o/ /dge slong sdig can de lta bu dag chags 'og thams cad du grags pa yang mi
21b₃ spro na/ mthong ba lta smos kyang ci 'tshal/ de nas rgyal po tshangs pas byin gyis zho shas 'tsho ba dag btang ste/ dge slong de dag bsal du bcug nas chags 'og thams cad du de dag mi 'dug par byas so/ /bcom ldan 'das 'di ni de dag gi tshe 'di'i rnam par smin pa lags
21b₄ so/ /de dag ni tshe phyi ma la yang bdag nyid kyis bdag nyid brdegs pa lags so/ /de skad ces gsol pa dang bcom ldan 'das kyis rgyal po tshangs pas byin la 'di skad ces bka' stsal to/ /rgyal po chen po bzhi po 'di dag ni bstan pa 'di la rab tu byung ba'i g.yang sa yin te/ bzhi gang
21b₅ zhe na/ sangs rgyas la ma gus pa dang / dam pa'i chos spong ba dang / chos smra ba la sdang ba dang / mngon par brtson pa med par dad pas byin pa len pa ste/ rgyal po chen po bzhi po de dag ni bstan pa 'di la rab tu byung ba'i g.yang sa yin no/ /de nas bcom ldan 'das kyis de'i tshe tshigs
21b₆ su bcad pa 'di dag bka' stsal to/ /sangs rgyas som nyi za ba g.yang sa'i mchog /'jig rten kun gyis skyabs byed mi nus te/ /blo chung de ni bstan las nyams gyur pas/ /mgon med de ni ngan 'gror 'gro bar 'gyur/ /des ni chos kyang spangs pas ngan song 'gro/ /lo ni stong
21b₇ las mi nyung bar du yang / /dmus long dbang po dman zhing sems kyang nyams/ /sdug bsngal chen po 'di ni g.yang sa gnyis/ /sangs rgyas chos 'dzin mi 'jigs gang yin pa/ /thams cad mkhyen pa'i ye shes skyong byed pa/ /de dag skur 'debs g.yang sa chen po

_{iiif viewer powered by OpenSeadragon}

21a - 22a

Texts on this page