rKTs

e-texts navigator

Volume

Page

21a₁ ni bstan pa 'di la gting mi tshugs/ /chos gos 'chang ba tsam gyis dge slong brjod/ /bdag med rdo rje shin tu sgom pa des/ /'jig tshogs lta ba 'di dang bral ba yi/ /dge slong de ni bstan 'dir ye shes la/ /spyod yul rlung ltar 'dus byas chags pa med/ /
21a₂ dad pa med pa las la yid mi ches/ /sdig pa'i sems kyi dbang du song nas ni/ /de ni ji ltar gzhan la gtses pa bzhin/ /ring por mi thogs ngan song gnas par 'gyur/ /rgya mtsho che la ji ltar chu gnas bzhin/ /bstan pa 'di la dad pa gzhi yin te/ /gang zag gang zhig
21a₃ bstan la ma dad de/ /nga yi ma yin nga yang de'i ma yin/ /bgrod pa phun sum tshogs gzhi dad pa yin/ /bdud rtsi thob pa'i lam dang snang ba yin/ /ci ltar 'dzam bu gling pa'i rgyal po bzhin/ /'di ni yon tan kun gyi thog mar 'gro/ /rgyal po chen po khyod kyi gtsug lag khang
21a₄ gi dge slong de dag ni yon tan de lta bu de dag dang mi ldan pas na de'i phyir der byang chub sems dpa' mthong ba don yod kyis so sor brtags nas ma 'dug par myur ba kho nar song ngo / /rgyal po chen po dge slong drug cu po de dag thams cad ni de nas shi 'phos nas bskal pa gsum gyi bar du
21a₅ ngan song rnams su 'khor 'khor nas tshe rabs brgyad khri'i bar du rigs ngan du skye bar 'gyur te/ dman pa dang / gzhan gyi zas kyis 'tsho ba dang / 'jig rten gyis smad par 'gyur ba dang / lus rid pa dang / mdog ngan pa dang chung bar grags pa dang / byad ngan pa dang / tshe rabs
21a₆ thams cad du shas cher nad rgyun ring dang / khams ma snyoms te 'khrug pa dang / nyam thag pa'i skad kyis cho nge 'don pa dang / gshis ngan du 'chi bar 'gyur ro/ /de nas tshe rabs kyi tha ma las shi 'phos nas 'jig rten gyi khams bde ba can du skye bar 'gyur te/ lo brgyad khri'i
21a₇ bar du de dag gis de bzhin gshegs pa tshe dpag med chos ston par thos la shes par ni mi 'gyur ro/ /de bzhin gshegs pa de'i 'od mthong la de bzhin gshegs pa de ni mi mthong ngo / /de dag gi lus la 'od kyis phog par yang mi 'gyur ro/ /de dag gis gtan du rnam par dag

_{iiif viewer powered by OpenSeadragon}

20b - 21b

Texts on this page