| e-texts navigator |
| བོད་ཡིག |
18b1 gnas 'dir ci 'dod ces/ /gus pa med par ma dad chos rnams smra/ /gtsug lag khang 'di rtag tu las mang la/ /rnyed pa'ang med de spyod yul rnams mi bzad/ /gal te des bskul de ni mi 'gro na/ /legs par ma bsdams thab mo byed par 'gyur/ /'di
18b2 'dra dag gi gnas 'dir gang yang med/ /yul zhig tu ni ci 'dra dran par gyis/ /gnas pa'i dge slong dag gis khyod bskrad na/ /yul 'di sun dbyung phyir ni 'ongs sam khyod/ /dge bsnyen blun po rnams ni 'di mi shes/ /'di dag khrims 'chal tshul khrims ldan
18b3 mi shes/ /dge slong dga' dang mi dgas myur du song / /mi sdug pa dang drag pos song nga re/ /sangs rgyas la ni slob pa'i chos smra ba/ /des shing dam brtan dag gis mthong na ni/ /blun dang mi 'thun 'gyur na mi rung zhes/ /de dag ga las 'ongs par phyir yang
18b4 'gro/ /kye ma bdag gi 'dren pa'i bstan pa po/ /rgyal ba dag gi chos 'di 'gag par 'gyur/ /dge slong sdig can 'di dag rab tu 'phel/ /chos smra gang yin rnams ni nyung bar 'gyur/ /gang tshe mang du thos pa glo bur 'ongs/ /skye bo mang po dga' byed ston
18b5 pa na/ /blo gros chung ngu 'di ltar ci shes zhes/ /mi gus de dag gzhan la sbron par byed/ /des ni lung yang ma mnos chos ma dris/ /'di yi mkhan po ci 'dra slob dpon gang / /rang skye shing ltar chos gos bgos nas ni/ /bde ba'i don du rnyed pa tshol bar byed/ /
18b6 de 'dir mdo sde de la mi mkhas te/ /de yis shes pa bdag cag shes so snyam/ /de dag blun zhing bstan pa sun 'byin pa/ /ting 'dzin ma thob byis pa'i bsam pa sems/ /rgyal po ngas ni 'das pa'i dus dran pas/ /sangs rgyas ye shes 'od ces bya ba byung / /lo ni
18b7 brgyad khri tham pa'i bar dag tu/ /chos rnams bstan nas rgyal ba mya ngan 'das/ /rgyal ba de ni 'das pa'i dus kyi 'og /dam pa'i chos ni nyams shing thug pa na/ /dge slong dran pa'i blo can zhes bya byung / /gzungs thob ma yin spobs pa thob par 'gyur/ /mdzes
iiif viewer powered by OpenSeadragon
Texts on this page
D159 - 'phags pa tshangs pas byin gyis zhus pa zhes bya ba theg pa chen po'i mdo