rKTs

e-texts navigator

Volume

Page

17a₁ stong snyed du yang / /rgya mtsho che las slar ni dbyung mi nus/ /de bzhin byis pa ngan 'gror ltung ba yang / /bskal pa bye ba khrag khrig brgya stong du/ /de dag mir skye ba yang the tsom bcas/ /de dag mtho ris byang chub ga la thob/ /bsam pa dag
17a₂ cing rtag tu brtson pa dang / /legs par bsdams shing g.yo sgyu med pa dang / /mnyam pa'i sems kyis byang chub thob 'gyur te/ /de la thams cad mkhyen nyid dka' ba med/ /rgyal po chen po chos bcu drug po 'di dag ni gang zag phrag dog can gyi mtshan ma yin par
17a₃ rig par bya ste/ bcu drug gang zhe na/ khwa ltar skru ba dang / mu cor smra ba dang / legs par ma bsdams pa dang / gzhan gyi bsngags pa ma yin pas bde bar 'dzin pa dang / gzhan gyi yon tan dag la yid mi ches pa dang / bsam pa mang ba dang / mya ngan mang ba
17a₄ dang / yid mi bde ba mang ba dang / mig ser ba dang / kha dog dang dbyibs nyams pa dang / nga rgyal gyis non pa dang / dge slong la mi dga' ba dang / glo bur du 'ongs pa la bsting ba'i ngang tshul can dang / brtsad du rung ba'i 'khrul pa tshol ba dang / gnas la
17a₅ ser sna byed pa dang / chos nyan du mi 'gro la rna blags te mi nyan/ sems rnam par g.yengs shing gzhan dang gzhan du gtam rlung la bskur bar byed cing chos kyi gtam la mi dga' ste/ 'di skad du ci zer ba ngas mi shes so/ /'di ni blun po yin te/ 'jig rten gyi tha
17a₆ snyad kyi chos ston to zhes kyang zer te/ gang 'phags pa rnams kyis thugs su chud pa'i chos 'dul ba la ma gus pa 'di nyid mi blun po de dag mi shes pa yin no/ /bdag gis ni byang chub thob nas gdod byang chub kyi shing drung du chos la gus par gnas par bya'o zhes zer zhing dge
17a₇ slong rnams la chos ston pa na yang phyi sgo na 'greng zhing 'dug la chos nyan par byed de/ stan la 'dug mi 'dod na yang dge slong dag la 'tsho bar byed de/ brgyad sde'i byang chub kyi yan lag gi gtam ston pa na yang bdag gis mnyan par bya'o/ /de thos na bdag gis nad de 'byung

_{iiif viewer powered by OpenSeadragon}

16b - 17b

Texts on this page