rKTs

e-texts navigator

Volume

Page

174a₁ zhe na/ de dag ni de bzhin gshegs pas chos kyi chom rkun par gsungs te/ so sor thar pa spangs nas gcig pur 'dug cing bud med la chos 'chad pa'i phyir ro/ /mi blun po de dag ni bcos ma ste/ mgo bregs pas bcos pa dang / gos ngur smrig
174a₂ gyon pas bcos pa'o/ /rgyu gang gis bcos ma yin par shes par bya zhe na/ sangs rgyas bcom ldan 'das rnams kyis smad pa gang yin pa de ni mi blun po de dag gis gnang bar byed de/ lo nyi shu ma lon par rdzogs par bsnyen par byed/ rang gi lag gis len par byed/
174a₃ ma brtags pa la longs spyod par byed/ rang nyid g.yos dang 'tshed pa'i las byed/ gser dang dngul bdag gir byed/ khre rgod dang / 'bru la sogs pa bsogs par byed/ khyim gyi gzhi dang / zhing gi gzhi dang / kun dga' ra ba'i gzhi nyo tshong byed cing / tshal za'i
174a₄ 'tsho ba sbyor bar byed/ khyim gyi gzhi dang / zhing gi gzhi dang / kun dga' ra ba'i gzhi len par byed de/ las kyi rnam par smin pa la yang yid mi ches shing so sor thar pa la yang ma dad nas de la 'bab de la bab de la bden par 'dzin de'i spyod lam byed/ dge sbyong du 'dra
174a₅ bar 'dzin cing gang na skye bo mang po yod pa der gcer bu pa dang mtshungs par ston par byed/ gang zag tu lta ba bsngags par byed/ gang zag tu lta ba dang / gcer bu pa dang mtshungs par ston pas/ skye bo mang po 'dzud par byed cing 'god par byed/ sangs rgyas kyi spyod
174a₆ yul de bzhin gshegs pa'i gnas pa stong pa nyid la dmigs nas sun 'byin par byed/ gshe bar byed par shes par bya'o/ /yul 'khor skyong de lta bu'i sems can dag 'byung bar 'gyur te/ de dag ni khyim pa yang ma yin/ dge sbyong yang ma yin te/ de dag gis ni de
174a₇ bzhin gshegs pa'i bstan pa 'di nub par byed do/ /de nas bcom ldan 'das kyis de'i tshe tshigs su bcad pa 'di dag bka' stsal to/ /dge slong tshul khrims rnams la bsdam/ /zhi zhing zhi ba'i gnas la dga'/ /so sor thar pa slob byed pa/ /de dag dge

_{iiif viewer powered by OpenSeadragon}

173b - 174b

Texts on this page