rKTs

e-texts navigator

Volume

Page

173b₁ nas ngan song du 'gyur ba'i mal cha dang / stan dang / mgron du gnyer ba chen po rnams bdag gir byed/ bud med dang 'dris par byed/ dge slong ma dang 'dris par byed/ rgyal pos bkrabs pa dang 'dris par byed de/ de 'dris par gyur nas rgyun mi 'chad par
173b₂ mig gis gzugs rnams la nges par sems so/ /des de ltar sems bskyed nas kun nas nyon mongs par 'gyur ro/ /kun nas nyon mongs pa'i sems dang ldan na gnas 'di lta bu yod do/ /nyes pa lci ba de byed pa'am/ yang na chung ngu byed cing 'dug par
173b₃ 'gyur te/ yul 'khor skyong 'di ni dge slong ltar bcos pa yin no/ /yul 'khor skyong ci'i phyir dge slong ltar bcos pa yin zhe na/ dge slong ltar bcos pa de de bzhin gshegs pas mal cha dang / stan gnang ba tha mal pa gang la dge sbyong gnas pa'i mal cha dang
173b₄ stan gang yin pa mi blun po des spangs na chos gos la zhen cing zang zing la zhen nas bud med dang 'dris par byed cing / khyim pa dang 'dris par byed na 'dris par 'gyur ba'i mi blun po de la dge sbyong gi tshul lta ga la yod de/ de'i steng du chos zab mo rnams la yang sun
173b₅ 'byin cing gshe bar byas/ las des thos su zin kyang bsngags pa ma yin pa rjod par byed do/ /dgon pa'i bsngags pa ma yin pa rjod par byed do/ /gang la de'i sems mngon par dga' ba'i 'dod pa rnams 'ba' zhig gi bsngags pa rjod par byed cing / gang la de'i
173b₆ sems mngon par dga' ba'i bre mo'i gtam 'ba' zhig gi bsngags pa rjod par byed la/ dge slong gi gnas gang yang rung ba de dag gi bsngags pa ma yin pa rjod par byed do/ /gang la las de bzhin gshegs pas mdo'i tshig khyim na gnas pa dang / rab tu byung ba rnams dang /
173b₇ 'du 'dzir mi 'byung bar bya'o zhes gsungs pa'i mdo'i tshig de bor nas dge sbyong gi tshul mi 'dod cing dge slong gi dngos po mi 'dod de/ gcig pur 'dug cing bud med la chos 'chad par byed la gzhan dag la yang de lta bu'i gzhi rnams su lung 'bog par byed pa'o/ /de ci'i phyir

_{iiif viewer powered by OpenSeadragon}

173a - 174a

Texts on this page