| e-texts navigator |
| བོད་ཡིག |
172b1 dman pa'i 'du shes dang / mi 'thun pa'i 'du shes dang / bu'i sha lta bu'i 'du shes dang / dor ba'i 'du shes dang / spang ba'i 'du shes dang / dri mi zhim pa'i 'du shes bskyed par bya ste/ des de lta bu'i tshul du bza' zhing tshod rig par bya'o/ /des chags
172b2 pa med pa dang / sdang ba med pa dang / rmongs pa med pa dang / rtag tu dben pa la mngon par dga' bar bya ste/ bre mo'i gtam la mngon par dga' bar mi bya'o/ /'chi ba lta bur dang du blang bar bya'o/ /dben par bya'o/ /dben pa la mngon par
172b3 dga' bar bya'o/ /dben pa la mngon par dga' zhing mos pa dang / bzod pa dang ldan par bya'o/ /des pa dang 'grogs na bde bar bya'o/ /'jig rten gyi gtam la mi rten par bya'o/ /nyo tshong spyod pa spang bar bya'o/ /sman dpyad la dga' ba dang / phrin pa la
172b4 dga' ba dang / khyim gyi bya ba dang 'brel par mi bya'o/ /'dug pa dang / 'greng ba dang / 'chag pa dang / nyal ba la mkhas par bya'o/ /rab tu dben pa dang / dgon par dga' ba dang / zhi ba'i gnas mal sgra chung ba/ skad chung ba/ 'jigs pa'i yid la byed pa med
172b5 pa/ sdig sbrul med pa/ mi mang po med pa/ mis dben pa/ nang du yang dag 'jog dang 'tsham pa bsten par bya'o/ /bdag bstod par yang mi bya/ gzhan smad par yang mi bya'o/ /tshul 'chos pa dang kha gsag mi bya'o/ /rtag tu rgyun mi chad par skyo ba'i sems bskyed par
172b6 bya'o/ /des khyim pa dang / rab tu byung ba rnams dang 'du zhing 'dris par mi bya'o/ /stong pa'i chos rnams kun tu bsten par bya/ bsgom par bya/ mang du bya'o/ /des rig pa dang mi ldan pa'i dge slong dang lhan cig phrad pa spang bar bya'o/ /dge slong ma dang 'dris par mi
172b7 bya'o/ /'dod pa chung bar yang bya'o/ /rtag tu bdag nyid kyi 'khrul pa rnams la so sor brtag par bya'o/ /gzhan gyi 'khrul pa rnams la brtag par mi bya'o/ /pha ma la yang yid brtan par mi bya na/ rigs gzhan lta la ci smos/ shin tu yang dag par bsdam
iiif viewer powered by OpenSeadragon
Texts on this page
D166 - 'phags pa yul 'khor skyong gis zhus pa zhes bya ba theg pa chen po'i mdo