| e-texts navigator |
| བོད་ཡིག |
171b1 dang / /bzod pa dang ni brtson 'grus dang / /bsam gtan shes rab mnyam nyid kyis/ /de ni byang chub myur 'thob 'gyur/ /bcom ldan 'das kyis de skad ces bka' stsal nas/ tshe dang ldan pa kun dga' bo dang / shAkya'i bu bde byed dang / thams cad dang ldan pa'i 'khor
171b2 de dag dang / lha dang / mi dang / lha ma yin dang / dri zar bcas pa'i 'jig rten yi rangs te bcom ldan 'das kyis gsungs pa la mngon par bstod do/ /'phags pa bde byed kyis zhus pa zhes bya ba theg pa chen po'i mdo rdzogs so// //rgya gar gyi mkhan
171b3 po pradz+nyA barma dang / zhu chen gyi lots+tsha ba ban+de ye shes sde la sogs pas bsgyur cing zhus te gtan la phab pa// @##/ /rgya gar skad du/ Ar+ya rASh+Ta pA la pa ri pr-its+tshA nA ma ma hA yA na sU tra/ bod skad du/ 'phags pa yul 'khor
171b4 skyong gis zhus pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na/ bya rgod phung po'i ri la dge slong stong nyis brgya lnga bcu'i dge slong
171b5 gi dge 'dun chen po dang thabs cig tu bzhugs te/ de nas tshe dang ldan pa yul 'khor skyong stan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das kyi zhabs la mgo bos phyag 'tshal nas/
171b6 bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to/ /bcom ldan 'das de bzhin gshegs pa'i bstan pa 'di nub par bgyid pa'i sems can gang lags pa de dag ji lta bu dag cig lags/ de skad ces
171b7 gsol pa dang / bcom ldan 'das kyis tshe dang ldan pa yul 'khor skyong la 'di skad ces bka' stsal to/ /yul 'khor skyong gnas 'di gnyis ni bcom ldan 'das kyis gsungs pa ste/ gnyis gang zhe na/ dge slong gi gnas dang / lhod pa'i gnas so/ /de la
iiif viewer powered by OpenSeadragon
Texts on this page
D165 - 'phags pa bde byed kyis zhus pa zhes bya ba theg pa chen po'i mdo
D166 - 'phags pa yul 'khor skyong gis zhus pa zhes bya ba theg pa chen po'i mdo