rKTs

e-texts navigator

Volume

Page

16b₁ brtson pa yin par rig par bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /mi rigs ldan pa rtag tu mi 'thun te/ /ji ltar rgya mtsho chen po mi ro dang / /ji ltar skye bo bya dang phrad pa bzhin/ /de ni mkhas pa
16b₂ rnams dang shin tu ring / /dad med de ni 'khrul pa tshol bar byed/ /bre mo gtam smra spyod yul tshogs la dga'/ /rgyal ba rnams kyi bstan la ma gus pa/ /'di nas shi 'phos myur du ngan 'gror 'gro/ /mi ldan pa la dran med shes rab med/ /mya ngan mi
16b₃ 'da' mi 'grol tshul khrims med/ /de ni dmus long lam dang ji bzhin du/ /'phags pa'i lam dang shin tu ring bas ring / /gang zag mi ldan de ni smra ba mang / /dgod la dga' zhing rtag tu dbang po g.yengs/ /de ni bstan la chu ra'i chu 'os min/ /
16b₄ de ni grong zas lcags kyi thu lum za/ /sbyin pa po yis dad pas byin pa na/ /ldan dang grol la nga yis gnang ba yin/ /mi ldan pas ni kham gcig zos na yang / /ngo lon ri rab tsam yang bya ba yin/ /bstan la yul 'khor zas ni sbyong bar dka'/ /ldan
16b₅ pa gang yin rnams kyang 'di la 'dzem/ /mi ldan de yis rgod bzhin zos na ni/ /glang chen rta dang ba lang bong bur skye/ /de dag de zos brnyes pa'i gzugs su 'gyur/ /de dag rid cing nyam chung smad par 'gyur/ /zas blang zos pas mi gtsang dri ngar 'gyur/ /de
16b₆ dag dbyug pas bsnun pas sbyong bar 'gyur/ /sems kyang g.yengs shing dran pa rnam par nyams/ /slong mo byed cing smyon pa dag tu 'gyur/ /bstan pa bsod nams stegs 'di thob na yang / /bag med gyur na ngan 'gror ltung bar 'gyur/ /lo ni bye ba khrag khrig
16b₇ mtha' yas par/ /ngan song sdug bsngal mang po de myong nas/ /mi yi 'jig rten khom pa thob par 'gyur/ /sdig byas phyir yang ngan 'gror ltung bar 'gyur/ /lcags kyi thu lum rgya mtsho chen po yi/ /nang du ltung bar gyur na gnas med de/ /lo ni bye ba phrag

_{iiif viewer powered by OpenSeadragon}

16a - 17a

Texts on this page