rKTs

e-texts navigator

Volume

Page

165b₁ ches grangs med pa yun ring po tshad med pa 'das pa de'i tshe rin chen 'byung gnas zhes bya ba'i bskal pa zhig byung ste/ der de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
165b₂ pa/ skyes bu gdul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das rgya mtsho'i dpal zhes bya ba zhig 'jig rten du byung ste/ der de bzhin gshegs pa dgra bcom pa yang dag par rdzogs pa'i sangs rgyas bcu po 'di dag thams
165b₃ cad lhan cig tu 'thun par dge ba'i rtsa ba bskyed de/ zas dang / skom dang / bza' ba dang / bca' ba rnam pa sna tshogs dang / me tog dang / spos dang / me tog phreng ba dang / byug pa dang / gdugs dang / rgyal mtshan dang / ba dan gyi rnam pa dpag tu med grangs med pas bcom
165b₄ ldan 'das de la mchod pa rgya chen po byas nas thams cad kyis lhan cig tu 'thun par bla na med pa yang dag par rdzogs pa'i byang chub tu sems bskyed de/ thams cad kyis nyi ma gcig tu skad cig thang cig yud tsam gcig la mi skye ba'i chos la bzod pa thob par gyur to/ /de nas
165b₅ de dag gis rim gyis byang chub sems dpa'i spyod pa spyad nas/ byang chub kyi phyogs dang 'thun pa'i chos rnams yongs su rdzogs par byas te/ skad cig thang cig yud tsam gcig la rang rang gi sangs rgyas kyi zhing rnams su bla na med pa yang dag par rdzogs pa'i byang chub
165b₆ mngon par rdzogs par sangs rgyas so/ /skad cig thang cig yud tsam gcig la de dag gis chos kyi 'khor lo bskor to/ /thams cad kyi tshe'i tshad kyang mnyam mo/ /gzhon nu de bzhin gshegs pa dgra bcom pa yang dag par rdzogs pa'i sangs rgyas de dag thams cad kyang nyi ma
165b₇ gcig tu skad cig thang cig yud tsam gcig la yongs su mya ngan las 'da' bar 'gyur ro/ /de skad ces bka' stsal pa dang / bcom ldan 'das la rgyal po gzugs can snying po'i sras khye'u rin chen zla bas 'di skad ces gsol to/ /bcom ldan 'das de bzhin gshegs pa dgra

_{iiif viewer powered by OpenSeadragon}

165a - 166a

Texts on this page