rKTs

e-texts navigator

Volume

Page

165a₁ rnams med pa/ rtswa dang / shing skam dang / tsher ma dang / rdo dang / gseg ma dang / gyo mo dag med pa/ ngam grog dang / g.yang sa med pa/ me tog gi sil ma dag bkram pa yin te/ de na de bzhin gshegs pa dgra bcom pa yang dag par rdzogs pa'i sangs
165a₂ rgyas nor dpal zhes bya ba da ltar bzhugs shing 'tsho la gzhes te/ byang chub sems dpas bskor cing byang chub sems dpas mdun gyis bltas pa/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med
165a₃ pa/ lha dang mi rnams kyi ston pa/ sangs rgyas bcom ldan 'das skyes bu chen po'i mtshan sum cu rtsa gnyis kyis brgyan pa'i sku gser legs par btsos shing legs par dul ba lta bu rin po che'i rgyan legs par bkod pa bzhin du 'khor gyi nang na mdzes par bzhugs shing thog mar dge ba/
165a₄ bar du dge ba/ tha mar dge ba'i chos ston to/ /'di skad ces kyang ston te/ 'di ltar sa'i khams med par mi 'gyur ro/ /de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tshor ba dang / 'du shes dang /
165a₅ 'du byed dang / rnam par shes pa med par mi 'gyur ro zhes ston to/ /rigs kyi bu'am rigs kyi bu mo yang rung de'i mtshan thos na bla na med pa yang dag par rdzogs pa'i byang chub las phyir mi ldog par 'gyur zhing chos rin po che bla na med pa yang thob par 'gyur ro/ /gzhon nu de
165a₆ ltar na rigs kyi bu'am rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas spyod pa dang / yon tan phun sum tshogs pa dang / ye shes phun sum tshogs pa dang / tshul khrims dang / ting nge 'dzin dang / shes rab dang / rnam
165a₇ par grol ba dang / rnam par grol ba'i ye shes gzigs pa phun sum tshogs pa dang ldan pa de dag gi mtshan thos na bla na med pa yang dag par rdzogs pa'i byang chub las phyir mi ldog par 'gyur ro/ /gzhon nu sngon byung ba 'das pa'i dus bskal pa grangs med pa bas kyang

_{iiif viewer powered by OpenSeadragon}

164b - 165b

Texts on this page