rKTs

e-texts navigator

Volume

Page

162a₁ skad ces kyang ston te/ 'di ltar sa'i khams ni med par mi 'gyur ro/ /de bzhin du chu'i khams dang / me'i khams dang / rlung gi khams dang / skye dgu'i bdag po tshangs pa dang / gzugs dang / tshor ba dang / 'du shes dang / 'du byed dang / rnam par
162a₂ shes pa med par mi 'gyur ro zhes ston to/ /gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas dpal bzang po bla na med pa yang dag par rdzogs pa'i byang chub mngon par rdzogs par sangs rgyas nas ni bskal pa bye ba phrag drug cu
162a₃ lon no/ /gzhon nu gzhan yang sangs rgyas kyi zhing de na nyin mo dang / mtshan mo'i ming yang med de/ 'dzam bu'i gling gi rtsi ba'i thabs 'dis dper bya ba ni ma gtogs so/ /sangs rgyas kyi zhing de thams cad kyang rtag tu de bzhin gshegs pa de'i 'od kyis snang bar 'dug go/ /
162a₄ gzhon nu gzhan yang de bzhin gshegs pa des chos bstan pa re res kyang sems can bye ba khrag khrig phrag 'bum dpag tu med pa dag mi skye ba'i chos la 'god par mdzad do/ /bzod pa dang po dang / bzod pa gnyis pa dang / bzod pa gsum pa la ni de'i nyis 'gyur 'god par
162a₅ mdzad do/ /gzhon nu gzhan yang de bzhin gshegs pa dgra bcom pa yang dag par rdzogs pa'i sangs rgyas de'i sngon gyi smon lam gyi stobs bskyed pas sangs rgyas kyi zhing gzhan dag na gang dag sngon gyi rgyal ba rnams la lhag par bya ba byas shing dge ba'i rtsa ba bskyed pa'i sems can
162a₆ dag gi lus la 'od kyis reg pa de dag kyang mi skye ba'i chos la bzod pa thob bo/ /gzhon nu gzhan yang rigs kyi bu'am/ rigs kyi bu mo yang rung de bzhin gshegs pa dgra bcom pa yang dag par rdzogs pa'i sangs rgyas dpal bzang po de'i mtshan thos na bla na med pa yang dag par
162a₇ rdzogs pa'i byang chub las phyir mi ldog par 'gyur ro/ /gzhon nu 'di nas lho phyogs su sangs rgyas kyi zhing bye ba khrag khrig 'bum phrag grangs med pa snga ma ji snyed pa de snyed 'das pa na 'jig rten gyi khams dga' ba zhes bya ba zhig yod de/ lag mthil ltar mnyam pa zhes bya ba

_{iiif viewer powered by OpenSeadragon}

161b - 162b

Texts on this page