rKTs

e-texts navigator

Volume

Page

160b₁ can dang / rtsi sman dang / bong bu dang / de dag la sogs pa gnod sbyin gyi sde dpon 'bum phrag du ma dang thabs cig tu bzhugs so/ /de nas bcom ldan 'das snga dro'i dus kyi tshe/ sham thabs dang chos gos gsol te/ lhung bzed bsnams nas rgyal po'i khab kyi grong khyer chen
160b₂ por bsod snyoms la gshegs so/ /de'i tshe rgyal po gzugs can snying po'i sras khye'u rin chen zla ba zhes bya ba glang po che'i lag brgyad pa zhes bya ba rin po che sna bdun gyis brgyan cing gser gyi dra bas g.yogs pa/ dril bu g.yer kha dpyangs pa/ gser gyis spras pa'i dar gyi lda ldi
160b₃ mang pos mdzes par byas pa/ bdug pas bdugs pa/ me tog sil mas gtor ba/ rgyal mtshan dang ba dan bsgreng ba/ gdugs dang ra bas brgyan pa/ rin po che'i shing ljon pas mdzes par byas pa/ stegs bu bdun gyis kho ra khor yug dag bskor ba la zhon nas rgyal po'i
160b₄ 'byor pa chen po dang / rgyal po'i mthu chen po dang ldan pas rgyal po'i khab kyi grong khyer chen po nas byung ste/ sems can thams cad la sbyin pa dag sbyin zhing song ba las gzhon nu rin chen zla bas thag ring po zhig nas bcom ldan 'das mdzes pa/ dad par bya ba/ dbang po dul
160b₅ ba/ thugs dul ba/ kha dog bzang po rgyas pa mchog dang ldan pa/ dul ba dang zhi ba'i mchog /dul ba dang zhi ba dam pa'i pha rol tu phyin pa/ gtso bo chen po/ dbang po bsrungs pa/ dbang po thul ba/ mtsho ltar dang zhing gsal la rnyog pa med pa/ skyes bu chen po'i mtshan sum
160b₆ cu rtsa gnyis mnga' ba/ dpe byad bzang po brgyad cus brgyan pa'i sku gser gyi mchod sdong ltar 'phags la dpal gyi mchog gis lam me/ lhan ne/ lhang nge ste gshegs pa mthong ngo / /mthong nas kyang sems dad par gyur to/ /sems dad par gyur nas glang po che'i steng nas
160b₇ skyen par babs te/ bcom ldan 'das ga la ba der song ste phyin nas/ bcom ldan 'das kyi zhabs la phyag 'tshal te/ bcom ldan 'das la lan gsum bskor ba byas nas phyogs gcig tu 'dug go/ /bcom ldan 'das la zhe sa dang bcas/ gus pa dang bcas pas

_{iiif viewer powered by OpenSeadragon}

160a - 161a

Texts on this page