| e-texts navigator |
| བོད་ཡིག |
15a1 cing spyod yul gyi rkyen du mi 'bab la skye bo dang skal ba mnyam pa ma lags shing / de bzhin gshegs pa yang mi mthong la chos kyang rgyun du mi thos te/ dge ba'i rtsa ba'i tshogs kyang mi mang la sems can mang po yongs su smin par bgyir yang ma
15a2 mchis mod kyi/ 'on kyang bdag cag la phan gdags par 'gyur ro/ /de nas byang chub sems dpa' sems dpa' chen po mthong ba don yod byang chub sems dpa' lnga brgya tsam dang lhan cig tu rgyal po tshangs pas byin la snying brtse ba'i phyir khas blangs so/ /de'i
15a3 tshe rgyal po tshangs pas byin gyis byang chub sems dpa' mthong ba don yod dang / 'khor lnga brgya'i mal cha dang / stan dang / gding ba dang / bgo ba dang / bza' ba thams cad kyi yo lang yang bshams so/ /byang chub sems dpa' sems dpa' chen po
15a4 mthong ba don yod la yang chos kyi mchod pa ci rigs par byas so/ /de'i tshe gnas de na dge slong drug cu gnas par gyur to/ /de dag mi brtson pa dang / thos pa nyung ba dang / kun nas mnar sems mang ba dang / gzhan mchod pa dag la sems sdug bsngal ba
15a5 dang / byang chub sems dpar khas 'che ba dang / byang chub sems dpa' dmu rgod dang / cang shes ma yin pa dang / dbang po kho ru chud pa dang / rgod pa dang / khengs pa dang / rgod bag can dang / mu cor smra ba dang / khwa ltar skru ba dang / 'jig rten pha rol la mi lta
15a6 ba dang / las kyis mi 'jigs pa dang / bre mo'i gtam la dga' ba dang / gnyid che ba dang / chos ma yin pa 'dod pa dang / lus dang / ngag dang / yid kyi las kyi mtha' ma bsdams pa dang / rtsod pa mang ba dang / tshul khrims dang ldan pa la sdang ba dang /
15a7 gzhan gyi shes pa la shas cher ma mos pa dang / tha na ston pa blta bar yang mngon par mi dga' na tshangs pa mtshungs par spyod pa gzhan dag la lta smos kyang ci dgos pa sha stag ste/ de dag byang chub sems dpa' mthong ba don yod la chos bzhin ma yin par skur pa
iiif viewer powered by OpenSeadragon
Texts on this page
D159 - 'phags pa tshangs pas byin gyis zhus pa zhes bya ba theg pa chen po'i mdo